Salmo 94:1-23
94 O Jehova, say Dios a manangibales,+O Dios a manangibales, onsinag ka komon!
2 Alagey ka komon, O Ukom na dalin.+
Ibales mo komon ed saray mapaatagey no antoy manepeg ed sikara.+
3 Anggad kapigan, O Jehova,Anggad kapigan mansiansian maliket iray mauges?+
4 Labir la ran labir tan mamaong iran mansalita;Amin a manggagaway mauges et ipapasirayew day inkasikara.
5 Papairapen da ray totoom, O Jehova,+Tan lalamesen da so tawir mo.
6 Papateyen da ray balon bibii tan saray dayon miaayam,Pati saray ugugaw ya ulilad ama.
7 Ibabaga ra: “Ag-itan nanenengneng nen Jah;+Ag-itan iimanoen na Dios nen Jacob.”+
8 Talosan yo ’ya, sikayo ran andiay kalakal;Sikayo ran makulangkulang, kapigan kayo mangipatnag na pakatebek?+
9 Samay nanggawa na layag, agkasi makarengel?
Samay nanggawa na mata, agkasi makanengneng?+
10 Samay mangipepetek ed saray nasyon, agto kasi sarag so mandisiplina?+
Sikato so mangiiter na kakabatan ed totoo!+
11 Amta nen Jehova iray kanonotan na totoo,A saratan et singa labat ingas.+
12 Maliket imay too ya ipepetek mo, O Jah,+Ya ibabangat mo ed ganggan mo,+
13 Pian sikatoy nawalaan na kareenan diad panaoy kairapan,Anggad sano wala lay akotkot ya abot parad mauges.+
14 Ta agpaulyan nen Jehova so totoo to,+Tan agto taynan so tawir to.+
15 Ta say panangukom et magmaliw lamet a matunong,Tan tumboken itan na amin a maptek-impanpuso.
16 Siopay mangilaban ed siak ed saray marelmeng?
Siopay mangiyagel ed siak ed saray manggagaway mauges?
17 No aliwan si Jehova so mananulong ko,Inatey ak* la natan.+
18 Sanen imbagak: “Nakakarunyas so salik,”
Say matoor a panangarom, O Jehova, et naynay a manusuporta ed siak.+
19 Sanen nadadaeg ak na saray* kapagaan,*Niligliwa tan pinakalma mo ak.*+
20 Nayari kasin mialyado ed sika so trono na kurapsion*Anta mamapawala itan na gulo diad panamegley na ley?*+
21 Manggagawa ray maruksan panangataki ed matunong*+Tan sesentensiaan da a manepeg ed ipapatey so andiay kasalanan.*+
22 Balet si Jehova so magmaliw a maligen a salimbengan* ko,Say Dios ko so baton salimbengan ko.+
23 Ipawil tod sikara iray mauges a gagawaen da.+
Panganggaen* to ra diad panamegley na mismon kaugsan da.
Panganggaen* ira nen Jehova a Dios tayo.+
Paimanod leksab
^ Odino “so kamarerwak.”
^ Odino “dinmakel ed loob ko iray.”
^ Odino “magulon kanonotan.”
^ Odino “Saray panagligliwam so amakalma ed kamarerwak.”
^ Odino “kurakot iran manuley; kurakot iran ukom.”
^ Odino “ganggan.”
^ Literal, “Tan say dala na andiay kasalanan et iyaabawag dan nankasalanan (mauges).”
^ Odino “kamarerwa na matunong.”
^ Odino “magmaliw ya atagey tan maligen a pasen.”
^ Literal, “Pareenen.”
^ Literal, “Pareenen.”
