Salmo 21:1-13
Parad direktor. Kansion nen David.
21 O Jehova, naliliketan so ari ed biskeg mo;+Sikatoy naliliketan a maong ed saray panangiliktar mo!+
2 Inter mod sikato so pirawat na puso to,+Tan agmo insiblet so kekerewen to. (Selah)
3 Ta sikatoy pinaabetan mo na daakan a bendisyon;Tan kinoronaan mo na maabig a klase na* balitok.+
4 Kinmerew ed sika na bilay, tan inter mo itan ed sikato,+Andukey a bilay, on, andi-anggaan a bilay.
5 Saray panangiliktar mo et mangiiter ed sikato na baleg a kagalangan.+
Papagamoran mo na dayew tan karakpan.
6 Sikatoy pinilim a mangawat na saray bendisyon ya anggad angga;+Sikatoy napapaliket mo ta wala kad abay to.+
7 Ta say ari et manmamatalek ed si Jehova;+Lapud matoor a panangaro na Sankatagyan, sikatoy agbalot nagalaw.*+
8 Say limam so mangerel ed amin a kalaban mo;Say kawanan a limam so mangerel ed saramay mamubusol ed sika.
9 Gawaen mo ran singa manliob a hurnoan sano asabi lay panaon na panusisam ed sikara.
Diad sanok nen Jehova et akmonen to ra tan upoten ira na apoy.+
10 Paandien mo ed dalin so kapolian* da,Tan say ilalak da manlapud ananak na totoo.
11 Ta ginetma ray manggawa na mauges ed sika;+Namplano ra na saray pakanan ag-ontalona.+
12 Ta paatrasen mo ra,+Diad pangipuntiryam na panam* ed sikara.*
13 Alagey ka, O Jehova, diad biskeg mo.
Mangansion kami na panangidayew* lapud pakayarim.
