Salmo 92:1-15
Sakey a Salmo. Sakey a kansion parad agew na Sabaton.
92 Maabig so pisalamat ed sika, O Jehova,+Tan say pangansion na panangidayew ed* ngaran mo, O Sankatagyan,
2 Say pangiyabawag na matoor a panangarom+ a kinabuasanTan say katooran mo a nilabilabi,
3 A binansagan na instrumenton samploray deles tan say salterio,*Say balibalin tanol na arpa.+
4 Ta paliliketen mo ak lapud saray gagawaen mo, O Jehova;Oneeyag ak ed liket lapud saray kimey na limam.
5 Makapakelkelaw iray gawam, O Jehova!+
Agaylay kaaralem na kanonotan mo!+
6 Ag-iraya naamtaan na toon andiay kalakal;Tan anggapoy toon makulangkulang a makatalos ed saya:+
7 Say itutubon singa dika na marelmengTan say ibubulaslas na amin a manggagaway maugesEt nagagawa pian naderal ira ya anggad angga.+
8 Balet nitandoro ka ya anggad angga, O Jehova.
9 Nengneng moy pakatalo na saray kalaban mo, O Jehova,Nengneng mo no panon a naandi iray kalaban mo;Amin a manggagaway mauges et nitaytayak.+
10 Balet ipaatagey moy inkabiskeg* ko a singa ed toro;Manpuyok ak na larak pian nainawaan ak.+
11 Nanengneng koy pakatalo na saray kalaban ko;+Narengel ko so nipaakar ed pakatumba na saray mauges a totoon onaataki ed siak.
12 Balet say matunong et ombulaslas a singa kiew a palmaTan ombaleg a singa kiew a sedro ed Lebanon.+
13 Akatanem ira diad abung nen Jehova;Ombubulaslas ira diad saray sular na templo na Dios tayo.+
14 Anggano matatken la* ra et onaligwas ni ran siansia;+Mansiansia ran mabiskeg* tan tariwa,+
15 Ya iyaabawag dan si Jehova et maptek.Sikato so Batok,+ a diad sikato et anggapoy naromog ya ag-inkatunong.
Paimanod leksab
^ Odino “say pantogtog tan pangansion parad.”
^ Sakey a klase na nandeles ya instrumento.
^ Literal, “saklor.”
^ Odino “ubanan so ulo.”
^ Literal, “mataba.”
