Salmo 8:1-9
Parad direktor; diad tono na Gittith.* Kansion nen David.
8 O Jehova a Katawan mi, say ngaran mo et narayrayew ed interon dalin;Say gloriam et ginawam a mas atagey nen say katawenan!*+
2 Manlapud sangi na ugugaw tan saray kapangiyanak+ et imparungtal moy biskeg moNisengeg ed saray kalaban mo,Pian napareen so kabusol tan samay manangibales.
3 Sano nanenengneng koy katawenan, saray kimey mo,*Say bulan tan saray bitewen a ginawam,+
4 Antoy kablian na sakey a too pian sikatoy nodnonoten mo,Tan say anak na too pian sikatoy asikasoen mo?+
5 Sikatoy ginawam a mas abeba nen saray anghel,*Tan kinoronaan mo na gloria tan karakpan.
6 Impauleyan mod sikato iray kimey na limam;+Inyan moy amin a bengatla diad salian to:
7 Amin a karnero tan baka,Pati saray atap ya ayayep,*+
8 Saray siwit ed tawen tan saray sira ed dayat,Amin ya onlalangoy ed kadayatan.
9 O Jehova a Katawan mi, say ngaran mo et narayrayew ed interon dalin!
Paimanod leksab
^ Odino posiblin, “Say karakpan mo et isasalaysay diad katawenan!”
^ Literal, “saray kimey na gamegamet mo.”
^ Odino “saray singa dios.”
^ Literal, “ayayep ed uma.”
