Salmo 106:1-48
106 Idayew yoy Jah!*
Misalamat kayod si Jehova, ta sikatoy maomaong;+Say matoor a panangaro to et mansiansia ya anggad angga.+
2 Siopay sigpot a makapangiyabawag ed makapanyari iran gawa nen JehovaOdino makapangipaamta ed amin a makapadinayew a gagawaen to?+
3 Maliket iramay onkikiwas a walaay hustisya,A naynay a manggagaway duga.+
4 Nonot mo ak pa, O Jehova, sano mangipapatnag kay pabor* ed saray totoom.+Asikasom ak pa diad panamegley na panangiliktar mo,
5 Pian napanliketan koy kamaongan ya ipapatnag mo ed saray pinilim,+Pian makapanggayaga ak a kaibay nasyon mo,Pian napanliketan koy pangirayew ed* sika a kaibay tawir mo.
6 Nankasalanan kami a singa ginawa na saray inmuunan atateng mi;+Aliway ginawa mi; mauges so inkiwas mi.+
7 Saray inmuunan atateng mid Ehipto et agda inapresya so* makapakelaw iran ginawam.
Agda ninonot so abalbaleg a matoor a panangarom,Noagta nanrebelde ra diad dayat, diad Ambalangan Dayat.+
8 Balet inliktar to ra nisengeg ed ngaran to,+Pian nipaamta toy inkabiskeg to.+
9 Ingganggan* toy Ambalangan Dayat, tan inmekat itan;Pinadalan to ra diad kaaralman na satan a singa ra dinmalan ed desierto;*+
10 Inliktar to ra ed lima na kalaban da+Tan binawi to ra ed lima na kabusol.+
11 Nilener na danum iray kalaban da;Anggapoy anggan sakey ed sikara ya akaliktar.*+
12 Diad ontan et anisiaan day sipan to;+Ginapoan day mangansion na panangidayew ed sikato.+
13 Balet ta alingwanan dan tampol so ginawa to;+Agda inalagar so panamilin to.
14 Nampadaeg ira ed saray makasarilin pilalek da diad kalawakan;+Sinubok day Dios diad desierto.+
15 Inter tod sikara so kinerew da,Balet kayari na satan et indapo tod sikara so sakit ya amakapuy ed sikara.*+
16 Diad kampo et angimon ira ed kinen MoisesTan ed kinen Aaron,+ sakey a masanto ed si Jehova.+
17 Sinmangi so dalin tan inakmon toy DatanTan tinabonan to iramay nantitipon a kaiba nen Abiram.+
18 Walay apoy ya amool ed grupo ra;Inupot na apoy iramay mauges.+
19 Nanggawa ray imahen na kilaw a baka diad HorebTan dinmakmomo ra ed sayan estatuan metal;+
20 Say gloriak et insalat daEd samay representasyon na baka a mamangan na dika.+
21 Nilingwanan day Dios+ a Manangiliktar da,Samay angipanengneng na makapanyari iran gawa diad Ehipto,+
22 Saray makapakelaw a gawa diad dalin nen Ham,+Saray makapadinayew a bengatla diad Ambalangan Dayat.+
23 Iganggan to la lawari so kaderal da,Balet si Moises a pinili to et akikasi ed sikato*Pian pakepaen so makaderal a sanok to.+
24 Insan binalaw da so marakdakep a dalin;+Agda anisiaan so sipan to.+
25 Nannguronguro ra ed loob na saray tolda ra;+Agda dinengel so boses nen Jehova.+
26 Kanian intagey toy lima to pian isamba to ra,Ya itumba to ra diad kalawakan;+
27 Tan itumba to ray kailalakan da diad limog na saray nasyon,Tan itaytayak to ra ed arum a dalin.+
28 Insan akibiang irad panagdayew* ed si Baal na Peor,+Tan angan ira na saray imbagat ed inatey.*
29 Pinasanok day Dios diad saray ginagawa ra,+Tan walay salot a dinmapod sikara.+
30 Balet sanen inmalagey tan kinmiwas si Finehas,Tinmunda so salot.+
31 Tan lapud satan et sikatoy impasen a matunongDiad amin a henerasyon ya anggad angga.+
32 Sikatoy pinasanok da diad saray danum na Meriba,*Tan aliwliway agawad si Moises lapud sikara.+
33 Sikatoy apasyodot da,Kanian akapansalita laingen a bengatbengat.+
34 Agda inunor so ingganggan nen JehovaA pateyen iray totoo.+
35 Tan akiulop irad saray nasyon+Tan inalig* da ray kagagawa ra.+
36 Nantultuloy iran nanlingkor ed saray idolo ra,+Tan nagmaliw irayan patit ed sikara.+
37 Ibabagat da ray ananak dan lalakiTan bibii ed saray demonyo.+
38 Impapaagus day dala na saray inosente,+Say dala na saray dilin ananak dan lalaki tan bibiiYa imbabagat dad saray idolo na Canaan;+Tan say dalin et arutakan ed panagpaagus na dala.
39 Nagmaliw iran marutak lapud kagagawa ra;Akibiang ira ed espiritual a prostitusyon lapud saray gagawaen da.+
40 Kanian dinmalang so sanok nen Jehova ed totoo to,Tan nagmaliw a makapadimlad sikato so tawir to.
41 Aminpiga to ran inyawat ed saray nasyon,+Pian nauleyan ira na saramay mamubusol ed sikara.+
42 Pinairap ira na saray kalaban da,Tan wala rad sakop na pakayari* ra.
43 Mabetbet to ran ililiktar,+Balet manrerebelde tan onsusumlang ira,+Tan nipapaabeba ra lapud lingo ra.+
44 Balet iimanoen toy kagogonigon da+Tan dedengelen toy ikekerew day tulong.+
45 Nisengeg ed sikara et nononoten toy sipanan to,Tan sikatoy makakaliknay panangasi,* lapud abalbaleg a matoor a panangaro to.+
46 Papakiwasen toy amin ya akarel ed sikaraPian kasian da ra.+
47 Iliktar mo kami, O Jehova a Dios mi,+Tan tipon mo kami manlapud saray nasyon+Pian makapisalamat kami ed masanton ngaran moTan manliket kamin mangidayew ed sika.*+
48 Narayew komon si Jehova a Dios na IsraelYa anggad angga.*+
Tan ibaga komon na amin a totoo, “Amen!”*
Idayew yoy Jah!*
Paimanod leksab
^ Odino “Hallelujah!” Say “Jah” et pinatikey a ngaran a Jehova.
^ Odino “kaabigay-linawa.”
^ Odino “nipasirayew koy nipaakar ed.”
^ Odino “atalosan so kabaliksan na.”
^ Literal, “Binano.”
^ Odino “kalawakan.”
^ Odino “akera.”
^ Odino “kamarerwa ra.”
^ Literal, “inmalagey ed bungaw diad arapan to.”
^ Odino “inyapit day inkasikara.”
^ Salanti, saray imbagat ed inatey a totoo odino andiay bilay a dirios.
^ Kabaliksan toy “Pankokolkol.”
^ Odino “naaralan.”
^ Literal, “lima.”
^ Odino “pagbabawi.”
^ Odino “panliketan mi dayew mo.”
^ Odino “Manlapud andi-anggaan ya anggad andi-anggaan.”
^ Odino “Ontan pa komon!”
^ Odino “Hallelujah!” Say “Jah” et pinatikey a ngaran a Jehova.
