Salmo 140:1-13
Parad direktor. Kansion nen David.
140 O Jehova, iliktar mo ak pa ed mauges a totoo;Protektaan mo ak pa ed maruksan totoo,+
2 Saramay manggegetmay mauges diad puso ra+Tan naynay a mamapawalay panlalaban.
3 Patataremen day dila ra a singa ed serpiente;+Dita na saray uleg so walad bibil da.+ (Selah)
4 O Jehova, iyagel mo ak pa ed lima na mauges;+Salimbengan mo ak pa ed maruksan totoo,Saramay manggegetman mamatir ed siak.
5 Saray mapaatagey et angiyamot na patit parad siak;Angusar iray lubir pian mangibuskag na iket diad gilig na dalan.+
Angilira ira na saray kalot parad siak.+ (Selah)
6 Ibabagak ed si Jehova: “Sika so Dios ko.
O Jehova, dengel mo pay ikekerew koy tulong.”+
7 O Soberanon Katawan a Jehova, say mabiskeg a Manangiliktar ko,Sinaniban moy ulok diad agew na guerra.+
8 O Jehova, agmo pa iiter iray pirawat na mauges.
Agmo komon aabuloyan a nagawa iray pakana ra, pian ag-ira nipaatagey.+ (Selah)
9 Komon ta saray mauges a bengatla ya ibabaga na saramay akapaliber ed siakEt ondapo ed mismon ulo ra.+
10 Komon ta nauran ira na mandarlang a ngalab.+
Nibasileng ira komon ed apoy,Diad aralem iran abot,*+ ya agla ran balot makaagwat.
11 Samay managpauges et agkomon makaromog na pasen diad dalin.+
Saray maruksan totoo et usilan tan deralen komon na kaugsan.
12 Amtak ya iyagel nen Jehova so pakaskasiTan ikdan to na hustisya so mairap-bilay.+
13 Say matunong et seguradon misalamat ed ngaran mo;Samay maptek et manayam diad arapan mo.+
Paimanod leksab
^ Odino “Diad nandanum iran abot.”
