Salmo 83:1-18
Sakey a kansion. Salmo nen Asaf.+
83 O Dios, agka komon manpapareen;+Mansalita ka komon, tan kiwas ka la, O Dios a Makapanyarin-amin.
2 Ta saray kalaban mo et magulogulo;+Saramay mamubusol ed sika et onkikiwas a malaslastog.*
3 Masilib iran manggagawa na sekreton pakana sumpad totoom;Mankokomplot ira sumpad saray pinabpablim.*
4 Ibabaga ra: “Gali, ta paandien tayo ra bilang nasyon,+Pian aglan balot nanonotan so ngaran na Israel.”
5 Manplaplano ra na saksakey ya estratehiya;Anugyop ira na sakey ya alyansa* sumpad sika+—
6 Saray Edomita tan Ismaelita,* saray Moabita+ tan Hagarita,+
7 Say Gebal, Ammon,+ tan Amalek,Say Filistia+ tan saray manaayam ed Tiro.+
8 Akila met ed sikara so Asirya;+Sinmuporta ra ed* ananak nen Lot.+ (Selah)
9 Gawam pad sikara so singa ginawam ed Midian,+Ed kinen Sisera tan Jabin diad kulos na Kison.+
10 Naupot ira diad En-dor;+Nagmaliw iran dutak ed dalin.
11 Saray manuley da et gawam pan singa si Oreb tan Zeeb+Tan saray prinsipe* da a singa si Zeba tan Zalmuna,+
12 Ta imbaga ra: “Kayarianen tayoy dalin a panaayaman na Dios.”
13 O Dios ko, gawam pa ran singa amagan dika a nipapalirpalir,+Singa dayamin ititikyab na dagem.
14 Singa say apoy a mamopool ed takel,Singa say dalang na apoy a mamupugit ed kapalandeyan,+
15 Ontan komon so pangusil mod sikara diad panamegley na bagyom+Tan taktakot mo ra komon diad panamegley na maksil a dagem mo.+
16 Sakbongan* mo pay lupa ra na kabandayan,Pian anapen da so ngaran mo, O Jehova.
17 Komon ta niiyan ira ed kababaingan tan nataktakot ira ya anggad angga;Komon ta napabanday tan naderal ira;
18 Komon ta naamtaan na totoo a say ngaran mo et Jehova,+A sika labat so Sankatagyan ed interon dalin.+
