Salmo 62:1-12
Parad direktor; diad Jedutun.* Kansion nen David.
62 Maan-anos ak* a manaalagar ed Dios.
Sikato so mangililiktar ed siak.+
2 Sikato so batok tan say manangiliktar ko, say maligen a salimbengan* ko;+Agak tanto nagalaw.+
3 Anggad kapigan yo atakien so sakey a too pian sikatoy pateyen yo?+
Amin yo et mapeligro a singano akadukingking a padir, sakey a padir a ngalngali la nageba.*
4 Ta mantotongtong ira pian sikatoy niyabeba ra ed atagey a posisyon to;*Labalabay day mantila.
Diad sangi ra et mamebendisyon ira, balet diad loob da et mangisasamba ra.+ (Selah)
5 Maan-anos ak a manaalagar* ed Dios+Ta manlalapud sikato so ilalok.+
6 Sikato so batok tan say manangiliktar ko, say maligen a salimbengan ko;Agak balot nagalaw.+
7 Say kililiktar tan kagalangan ko et akadepende ed Dios.
Say Dios so mabiskeg a batok, say salimbengan ko.+
8 Manmatalek kayod sikato ed amin a panaon, sikayo ran totoo.
Ibalikas yod sikato so amin a walad puso yo.+
Say Dios so manasalimbeng ed sikatayo.+ (Selah)
9 Saray anak na totoo et singa labat ingas,Saray anak na katooan et sakey ya ilusyon.+
Sano simbangen iran amin, mas anlemew ni ra nen say ingas.+
10 Agyo panmamatalekan so panagkatkatTan agyo iilaloan a walay nagunggona yo ed panagtakew.
No ondakel so kayamanan yo, agyo iteteen so puso yod satan.+
11 Aminsan et nansalitay Dios, on, amiduak a nadngel iya:
Say pakayari et kien na Dios.+
12 Tan say matoor a panangaro et kien mo, O Jehova,+Ta ibales mod kada sakey so unong ed gagawaen to.+
Paimanod leksab
^ Odino “so kamarerwak.”
^ Odino “say atagey tan maligen a pasen.”
^ Odino posiblin, “Amin yo, a singano sikatoy akadukingking a padir, sakey a padir a ngalngali la nageba.”
^ Odino “ed kagalangan to.”
^ Odino “O kamarerwak, mananos kan manalagar.”
