Salmo 13:1-6
Parad direktor. Kansion nen David.
13 Anggad kapigan mo ak lingwanan, O Jehova? Anggad angga?
Anggad kapigan mo iyamot so lupam ed siak?+
2 Anggad kapigan so panaburidok,*Tan panermen na pusok ed kada agew?
Anggad kapigan ak taloen na kabusol ko?+
3 Imanom ak pa tan ebatan mo ak, O Jehova a Dios ko.
Paliwawam pay matak, pian agak naugip ed patey,
4 Pian ag-ibaga na kabusol ko: “Sikatoy tinalok!”
Agmo aabuloyan a manliket iray kalaban ko ed pakatumbak.+
5 Tan siak, manmamatalek ak ed matoor a panangarom;+Manliket so pusok ed saray panangiliktar mo.+
6 Kansionan ko si Jehova, lapud tinumangan to ak na daakan.*+
