Salmo 73:1-28
Kansion nen Asaf.+
73 Say Dios et maomaong ed Israel, diad saramay malinis so puso ra.+
2 Et siak, aliwa lawari inarap na saray salik;Ngalngali ak nikarunyas.+
3 Ta akaibeg ak ed mapaatagey*Sanen anengneng koy iyaasenso na mauges.+
4 Ta ag-ira nanairapan sano ompapatey ira;Maksil so laman da.*+
5 Aliwa ran singa arum a totoo a naproproblema,+Tan aliwa ran singa arum a maniirap.+
6 Kanian say panagpaatagey so pinagka-kuwintas da;+Say karuksaan so pinagka-kawes da.
7 Say mata ra et binmibisog lapud iyaasenso* ra;Saray walad sikara et sinmobra nid samay kukugkugipen da ed puso ra.
8 Manmumudmora ira tan mauges iray ibabaga ra.+
Mamaong iran mangibaga na gawaen dan panaglames.+
9 Mansasalita ra a singano ra kaatagey na tawen,Tan saray dila ra et paspasirayew a manliliber-liber diad dalin.
10 Kanian onaasingger ed sikara iray totoo to,Tan oniinum ira ed dakdakel a danum da.
11 Ibabaga ra: “Panon a naamtaan na Dios?+
Talaga kasin walay pikakabat na Sankatagyan?”
12 Onia ray mauges a totoo, a main-inomay dan naalay labay da.+
Ag-ira ontutundan manpayaman.+
13 Sirin, anggapoy kakanaan ya impansiansiak a malinis so pusokTan say impanguras koy limak pian ipanengneng ya anggapoy kasalanan ko.+
14 Tan inagew-agew ak a nagogonigon;+Kinabuasan ak a didisiplinaen.+
15 Balet no imbagak irayan bengatla,Magmaliw ak a traidor ed totoom.*
16 Sanen sinalik iyan talosan,Agonigon ak
17 Anggad sanen linmoob ak ed masanton santuaryo na Dios,Tan naamtaan koy pansumpalan da.
18 Talagan iiyan mo ra ed andanglel a pasen.+
Sikaray itutumbam pian naderal ira.+
19 Bigbiglay inkaderal da!+
Bigbigla ran angangga, a makapasinagem so nansumpalan da!
20 Singa say kugip kabangon na sakey, O Jehova,Lingwanan* mo ra sano ombangon ka.
21 Balet maer-ermen so pusok,+Tan ansaki-sakit so naliliknak ed loob ko.*
22 Nagmaliw ak ya agmakatunongan tan andiay pakatalos;Singa ak sakey ya ayep ya andiay kalakal diad arapan mo.
23 Balet natan et lanang ta kan kaiba;Sankabembenan moy kawanan a limak.+
24 Iwawanwan mo ak ed panamegley na simbawam,+Insan ipatnag mod siak so pabor mo.+
25 Siopa ni nailaloan ko ed tawen?
Tan likud ed sika et anggapo lay arum a pipirawaten ko diad dalin.+
26 Nayarin onkapuy so laman ko tan say pusok,Ingen ta say Dios so biskeg na pusok* tan say nabebetangan ko ya anggad angga.+
27 Tua a saramay onaarawi ed sika et naandi.
Panganggaen* mo so amin ya agmanmamatoor ed sika.*+
28 Balet parad siak, say iyasingger ed Dios et pankaabigan ko.+
Say Soberanon Katawan a Jehova so pansasalimbengan ko,Pian ipaamtak so amin a gawa to.+
Paimanod leksab
^ Odino “saray malastog.”
^ Odino “Matatabay eges da.”
^ Literal, “taba.”
^ Literal, “ed henerasyon na saray ananak mon lalaki.”
^ Literal, “Busolen.”
^ Literal, “ed saray batok.”
^ Literal, “bato na pusok.”
^ Literal, “Pareenen.”
^ Odino “amin ya onkikiwas a singa imoral a too diad panataynan dad sika.”
