Salmo 124:1-8
Kansion na Saramay Ontatatdang. Salmo nen David.
124 “No si Jehova et anggapod dapag tayo”+
—Ibaga komon na Israel—
2 “No si Jehova et anggapod dapag tayo+Sanen inataki itayo na saray kalaban,+
3 Ompan inakmon da tayo lan mabilay+Sanen dinmalang so sanok da ed sikatayo.+
4 Ompan inyanor itayo la na danum,Ompan inyagus itayo la* na ilog.+
5 Ompan atabonan itayo la* na angkakabaleg a daluyon.
6 Narayew komon si Jehova,Ta agto inabuloyan a nabiktima itayo na saray kalaban.
7 Singa itayo* manok ya akablosEd patit na manag-erel na ayep;+Aderal so patit,Kanian akablos tayo.+
8 Say tulong tayo et manlalapud ngaran nen Jehova,+Say Dios a nanggawa na tawen tan dalin.”
