Salmo 105:1-45
-
Saray impangipatnag nen Jehova na katooran ed totoo to
105 Misalamat kayod si Jehova,+ tawag kayod ngaran to,Ipakabat yod totoo iray gagawaen to!+
2 Kansionan yo, kansionan yo na panangidayew,*Dalepdep yoy* amin a makapakelaw a gawa to.+
3 Ipasirayew yoy masanton ngaran to.+
Manliket komon so puso na saramay manaanap ed si Jehova.+
4 Anap yoy Jehova+ tan kerew kayoy biskeg to.
Sikatoy naynay yon anapen.
5 Nonot yo ray makapakelaw a ginawa to,Saray milagron impanengneng to tan saray panangukom ya inyabawag to,+
6 Sikayo ran ilalak* nen Abraham a lingkor to,+Sikayo ran pinili to ya ananak nen Jacob.+
7 Sikato si Jehova a Dios tayo.+
Saray panangukom to et walad interon dalin.+
8 Sankanonot to so sipanan to ya anggad angga,+Samay insipan to,* ya anggad sanlibon henerasyon,+
9 Say impisipanan tod si Abraham,+Tan say sinambaan tod si Isaac,+
10 A ginawa to bilang sakey a ganggan ed JacobTan sakey a manbayag a sipanan ed Israel,
11 A kuan to, “Iter kod sika so dalin na Canaan+Bilang tawir a nabebetangan yo.”+
12 Imbaga to ’ya sanen daiset ni ra,+On, sanen dagdaiset ira, tan dayo ra ed satan a dalin.+
13 Inmalis-alis irad nanduruman nasyon,Manlapud sakey a panarian anggad sananey a panarian.+
14 Agto inabuloyan a lamesen ira na siopaman a too,+Noag ingen binano to ray arari nisengeg ed sikara,+
15 A kuan to, “Agyo didiwiten iray nilanaan ko,Tan agkayo manggagaway mauges ed saray propetak.”+
16 Sikatoy angidapo na eras diad dalin;+Intunda toy suplay dan tinapay.*
17 Pinauna tod sikara so sakey a lakiYa inlako bilang aripen, si Jose.+
18 Binalor* da ray sali to na gulonggulong,+Inkadena ra so beklew to;*
19 Say salita nen Jehova so nandalisay ed sikato+Anggad panaon a tinmua imay imbaga to.
20 Say ari so angibaki na mangipaway ed sikato,+Say manuley na totoo so angibulos ed sikato.
21 Sikatoy ginawa ton katawan na sankaabungan to,A manuley ed amin a kayarian to,+
22 Pian nawalaay pakauley ed saray* prinsipe to unong ed panliketan to*Tan pian mangibangat na karunongan ed saray mas matatken nen sikato.+
23 Insan linmay Israel ed Ehipto,+Tan si Jacob et nanayam bilang dayo ed dalin nen Ham.
24 Pinarakel na Dios iray totoo to;+Ginawa to ran mas mabiskeg nen saray kalaban da,+
25 A say puso ra et pinaulyan ton manguman pian busolen so totoo to,Pian manggaway pakana sumpad saray lingkor to.+
26 Imbaki toy Moises a lingkor to,+Tan si Aaron+ a pinili to.
27 Diad limog da et ginawa ray tanda to,Saray milagro to diad dalin nen Ham.+
28 Sikatoy angibaki na kabilungetan, kanian binmilunget so dalin;+Agda sinumlang iray salita to.
29 Pinagmaliw ton dala iray danum daTan pinapatey to ray sira da.+
30 Dinmakerakel so patang ed dalin da,+Anggan diad saray kuarto na ari.
31 Imbaki to ray mangetket ya apangat pian onatakiTan saray ageyet* diad amin a sakop da.+
32 Say uran da et pinagmaliw ton uran a kristalTan angibaki na kirmat* diad dalin da.+
33 Pinapatey to ray kaubasan tan saray kiew da ya igosTan dinederal to ray kiew diad sakop da.
34 Imbaga to a nepeg ya onataki iray duron,Saray agni nampayak a duron ya agnabilang.+
35 Inupot da so amin a tanaman diad dalin da,Tan inupot da so bunga na dalin.
36 Insan pinapatey toy kada panguloan diad dalin da,+Say gapoan na pakayari ran manilalak.
37 Impaway to ray totoo to a walay awit dan pilak tan balitok;+Tan anggapoy siopaman ed limog na saray tribu to so atumba.
38 Nanliket so Ehipto sanen tinmaynan ira,Ta sikaray tinmakot ed Israel.*+
39 Sikatoy angibuskag na lurem a pinagkasanib da+
Tan inikdan to ra na apoy a pinagkasilew da diad labi.+
40 Kinmerew ira, tan inikdan to ra na pugo;+Naynay to ran pepeselen na tinapay a nanlapud tawen.+
41 Binetag to so bato, tan inmagus so danum;+Singa iratan ilog ya inmagus ed desierto.+
42 Ta ninonot to imay masanton sipan tod si Abraham a lingkor to.+
43 Kanian impaway to ray totoo to a manlikliket ira,+Saray pinili to, a maneyag irad liket.
44 Inter tod sikara iray dalin na saray nasyon;+Tinawir da so bungay nansagpotan na arum a totoo,+
45 Pian tumboken da ray totontonen to+Tan sumpalen da ray ganggan to.
Idayew yoy Jah!*
Paimanod leksab
^ Odino posiblin, “Itongtong yoy nipaakar ed.”
^ Odino “mantogtog tan mangansion kayo parad sikato.”
^ Odino “kailalakan.” Literal, “bini.”
^ Literal, “Samay salitan ingganggan to.”
^ Literal, “Pinuputer toy kada baston parad tinapay.” Posiblin manutukoy ed saray baston a pangisasabitan na tinapay.
^ Literal, “Pinairap.”
^ Odino “Inkadena ra so kamarerwa to.”
^ Odino “unong ed panlabayan na kamarerwa to.”
^ Literal, “Pian baloren iray.”
^ Sakey iyan klase na melag ya insekto diad Ehipto, a kaparpara na ageyet.
^ Odino “mandarlang iran apoy.”
^ Literal, “sikara.”
^ Odino “Hallelujah!” Say “Jah” et pinatikey a ngaran a Jehova.
