Salmo 110:1-7

  • Ari tan saserdote a singa si Melquisedec

    • “Manuley ka ed pegley na kakabusol mo” (2)

    • Saray mabulos a kalangweran et singa ra linaew (3)

Salmo nen David. Sakey a kansion. 110  Imbaga nen Jehova ed Katawan ko: “Yurong ka ed nikawanan ko+Anggad iyan ko ray kakabusol mo a toonan na saray salim.”+  2  Manlapud Sion et iyunat nen Jehova so setro na pakayarim, a kuan to: “La ka, manuley ka ed pegley na kakabusol mo.”+  3  Saray totoom et mabulbulos dan iyapay so inkasikara diad agew a milaban so armadam.* Diad makapadinayew a kasantosan,Sakey ya ulop na saray kalangweran a lalaki so onsusuportad sika, a singa ra linaew ed palbangon.  4  Si Jehova et nansamba, tan agmanguman so nonot to:* “Sakey kan saserdote ed andi-anggaan+A mipadpara ed si Melquisedec!”+  5  Si Jehova et ompasen ed nikawanan mo;+Deralen to ray arari diad agew na sanok to.+  6  Ipaakseb toy panangukom sumpad* saray nasyon;+Panoen to so dalin na saray bangkay.+ Deralen to so lider* na maawa-awang a dalin.*  7  Diad dalan et sikatoy* oninum ed kulos. Kanian itangwa to so ulo to.

Paimanod leksab

^ Odino “diad agew ya akaparaan lan milaban so armadam.”
^ Odino “agto pagbabawian.”
^ Odino “ed limog na.”
^ Literal, “ulo.”
^ Odino “interon dalin.”
^ Ontutukoy ed “Katawan ko” diad bersikulo 1.

Copyrights na sayan publikasyon