Salmo 143:1-12
Kansion nen David.
143 O Jehova, dengel mo pay pikakasik;+Dengel mo pay ikekerew koy tulong.
Ebatan mo ak komon unong ed inkamatoor tan inkatunong mo.
2 Agmo komon iloloob so lingkor mo ed panangukoman mo,Ta anggapoy toon mabilay a nayarin magmaliw a matunong diad arapan mo.+
3 Ta uusilan ak* na kabusol;Inggatin-gatin to ak* ed dalin.
Impanayam to ak ed kabilungetan a singa saramay abayag lan inatey.
4 Makapkapuy lay espirituk;*+Anggapo lay nalilikna na pusok.+
5 Nanononotan ko ray agew nensaman;Dadalepdepen ko ray amin a ginawam;+Labalabay kon nodnonoten* iray kimey na limam.
6 Iyuunat ko ray limak diad pampipikasik ed sika;Singa ak* amagaan a dalin a napgaan ed sika.+ (Selah)
7 Ebatan mo ak komon a tampol, O Jehova;+Naupot lay kasil ko.*+
Agmo komon iyaamot so lupam ed siak+Pian agak magmaliw a singa saramay onlalasur ed abot.*+
8 Diad kabuasan et iparengel mo komon ed siak so matoor a panangarom,Ta manmamatalek ak ed sika.
Ipaamtam komon ed siak so dalan a nepeg kon panakaran,+Ta sika so aasinggeran ko.*
9 Iliktar mo ak pa ed saray kakabusol ko, O Jehova.
Labay koy pasalimbengan ed sika.+
10 Ibangat mo ak pan manggaway linawam,+Ta sika so Dios ko.
Say espiritum et maomaong;Komon ta itonton ak na satan diad patar a dalin.*
11 Pansiansiam ak pan mabilay, O Jehova, nisengeg ed ngaran mo.
Ipaliis mo ak* pa ed gonigon unong ed inkatunong mo.+
12 Panganggaen* mo komon iray kakabusol ko unong ed matoor a panangarom;+Deral mo komon ya amin iramay mangogonigon ed siak,*+Lapud lingkor mo ak.+
Paimanod leksab
^ Odino “so kamarerwak.”
^ Literal, “so bilay ko.”
^ Odino “Nauupot lay biskeg ko.”
^ Odino “aralen.”
^ Odino “Say kamarerwak et singa.”
^ Odino “lubok.”
^ Literal, “espirituk.”
^ Odino “Ta sika so pangitatageyan koy kamarerwak.”
^ Odino “diad dalin na kaptekan.”
^ Odino “so kamarerwak.”
^ Literal, “Pareen.”
^ Odino “kamarerwak.”
