Salmo 60:1-12
Parad direktor; diad “Say Lirio a Managpanonot.” Miktam.* Salmo nen David. Parad panagbangat. Sanen sikatoy akilaban ed saray taga Aram-naharaim tan Aram-Zoba, tan sanen pinmawil si Joab tan pinatey toy 12,000 Edomita diad Lawak na Asin.+
60 O Dios, impulisay mo kami; dineral mo ray pandepensa mi.+
Sinmanok kad sikami; balet natan, awat mo kami lamet komon!
2 Niyegyeg moy dalin; pinalengat mo.
Apiger mo ray deral to, ta nagegeray la.
3 Pinaulyan mon manirap so totoom.
Pinainum mo kami alak kanian mantugingging kami.+
4 Ikdan mo* na sinyales iramay ontatakot ed sikaPian ombatik ira tan nalikiran day pana. (Selah)
5 Iliktar mo kami komon ed panamegley na kawanan a limam tan ebatan mo kami,Pian nisalba iray inad-arom.+
6 Diad inkasanto* na Dios et sikatoy nansalita:
“Manliket ak, ipatawir koy Siquem,+Tan iyapag-apag koy Lawak* na Sucot.+
7 Kien ko so Gilead, ontan met so Manases,+Tan say Efraim so hilmit* parad ulok;Say Juda so setrok.*+
8 Say Moab so palangganan panag-urasan ko.+
Ibantak koy sandalyas ko ed Edom.+
Oneyag ak lapud tinalok so Filistia.”+
9 Siopay mangiyakar ed siak diad akubkob* a syudad?
Siopay mangitonton ed siak ya anggad Edom?+
10 Agta sika, O Dios, ya angipulisay ed sikami,Say Dios mi ya agla miuulop ed saray armada mi?+
11 Tulongan mo kami pad pakakagonigon mi,Ta agnailaloan so panangiliktar na too.+
12 Say Dios so mangiter ed sikami na pakayari,+Tan gatin-gatinan to ray kalaban mi.+
Paimanod leksab
^ Odino posiblin, “Inikdan mo.”
^ Odino posiblin, “Diad masanton pasen.”
^ Odino “Abeban Patar.”
^ Literal, “panagsalimbengan.”
^ Tutukoyen na Hebreon salita so andukey a baston a mangisisimbolo ed kanepegan na manuley a mangiganggan.
^ Odino posiblin, “apadiran.”
