Salmo 90:1-17

  • Say Dios ya agmangangga tan say too ya antikey so bilay to

    • Say sanlibon taon et singa karuman labat (4)

    • Say too et manbibilay na 70-80 taon (10)

    • “Ibangat mo kami pa no panon min bilangen iray agew mi” (12)

Pikakasi nen Moises, say too na tuan Dios.+ 90  O Jehova, nagmaliw kan ayaman mi*+ diad amin a henerasyon.   Antis a niyanak iray palandeyOdino antis mo nin pinawala* so dalin tan say mundo,+Manlapud andi-anggaan ya anggad andi-anggaan, sika so Dios.+   Papapawilen moy too ed dabok;A kuan mo: “Pawil kayod dabok, sikayo ran anak na totoo.”+   Ta diad pakanengneng mo, say sanlibon taon et singa karuman labat no linmabas la,+Singa labat sakey a panagbantay* ed labi.   Papaandien mo ra;+ nagmaliw iran singa labat sakey ya ugip;Diad kabuasan et singa ra dikan ontutubo.+   No kabuasan et manrorosas tan napapasimbalo itan,Balet kasabi labi et nalelenes tan namamagaan.+   Ta nauupot kami lapud sanok mo+Tan natatakot kami lapud pasnok mo.   Inyan mod arapan mo iray lingo mi;*+Saray iyaamot mi et imparungtal mo diad panamegley na liwaway lupam.+   Kalkalnan naaandi iray agew mi* lapud pinasyan sanok mo;Tan mansasampot iray taon mi a singa labat esaes.* 10  Say karukey na bilay mi et 70 taon,Odino 80 taon+ no say sakey et makmaksil.* Balet napno iratan na gonigon tan ermen;Maganggano iratan ya onlabas, insan naandi kami la.+ 11  Siopay makatebek ed pakayari na pasnok mo? Say sanok mo et singa kabaleg na takot a manepeg ed sika.+ 12  Ibangat mo kami pa no panon min bilangen iray agew mi+Pian nawalaan kami na marunong a puso. 13  Pawil ka, O Jehova!+ Anggad kapigan kasi iya?+ Kasian mo komon iray lingkor mo.+ 14  Penek mo kami pan kinabuasan na matoor a panangarom,+Pian oneyag kamid liket tan manggayaga kami+ legay bilay mi. 15  Paliket mo kami komon a singa kabayag na saray agew na impamairap mod sikami,+Singa karakel na saray taon ya asagmak mi kairapan.+ 16  Nanengneng komon na saray lingkor mo so gagawaen mo,Tan nanengneng komon na saray anak da so karakpan mo.+ 17  Komon ta niwalad sikami so pabor nen Jehova a Dios mi;Komon ta paaligwas mo* so kimey na saray lima mi. On, paaligwas mo* so kimey na saray lima mi.+

Paimanod leksab

Odino posiblin, “salimbengan mi.”
Odino “impaway a singa walay katekep ton panagpasakit.”
Say sakey a panagbantay ed labi et manga apat oras.
Odino “Amtam iray lingo mi.”
Odino “Kalkalnan naaandi so bilay mi.”
Odino “aralem ya ingas.”
Odino “lapud nikaduman biskeg.”
Odino “iletneg mon malet.”
Odino “iletneg mon malet.”