Salmo 39:1-13
Parad direktor; diad Jedutun.*+ Kansion nen David.
39 Inkuan ko: “Alwaran koy kagagawakPian napaliisan koy mankasalanan ed panamegley na dilak.+Alwaran koy sangik, a balungosan ko,+Sano walad arapan ko so siopaman a mauges.”
2 Agak inmesel tan nampareen ak;+Agak nansalita na anggan nipaakar ed kamaongan,Balet pinasyay* sakit ya aliknak.
3 Nginmalab* so pusok.
Legan ak a mannononot,* mandarlang so apoy ed loob ko.
Kanian nansalita ak:
4 “O Jehova, tulongan mo ak pan naamtaan no antoy panampotan na bilay ko,Tan no panon karakel iray agew ko,+Pian naamtaan ko so kinatikey na bilay ko.
5 Saray agew ko et ginawam a dagdaiset;+Tan say karukey na bilay ko et singa anggapo ed pakanengneng mo.+
Balang too, anggano ompatnag a maligen, et singa labat ingas.+ (Selah)
6 Balang too et onaalis-alis a singa anino.
Anggapoy kakanaan na pantatalikarkar* to.
Sikatoy mantitipon na kayamanan ya agto amta no siopay minabang ed satan.+
7 Anto sirin so nailaloan ko, O Jehova?
Sika labat so ilalok.
8 Iliktar mo ak pad amin a kasalanan ko.+
Agmo aabuloyan a melmelagen ak na samay makulangkulang.
9 Agak la inmesel;Agko nabiswat so sangik,+Lapud amtak a sikay nanlapuan na saya.+
10 Ekal mo pad siak so indapom a salot.
Makapkapuy ak la lapud kakabilen ak na limam.
11 Ipepetek moy too diad panudusam ed sikato lapud lingo to;+Uupoten mo ray bengatlan papablien to a singa panguupot na bigis.On, balang too et singa labat ingas.+ (Selah)
12 O Jehova, dengel mo pay pikakasik,Imanom pay ikekerew koy tulong.+
Agmo komon ibabaliwala iray luak.
Ta diad sika et sakey ak labat a dayon miaayam,+Sakey a managbiahen ondadalan,* singa saray amin ya inmuunan atateng ko.+
13 Agmo ak pa nenengnengen na ansakisakit pian naliketan akAntis ak ya ompatey tan naandi la.”
