Salmo 61:1-8
-
Say Dios, mabiskeg a tori sumpad saray kalaban
-
“Magmaliw ak a sangkaili ed toldam” (4)
-
Parad direktor; bansagan na nandeles iran instrumento. Salmo nen David.
61 O Dios, dengel mo pay ikekerew koy tulong.Imanom pay pikakasik.+
2 Manlapud saray sampot na dalin et ontawag ak ed sikaSano maer-ermen* so pusok.+Iyakar mo ak komon ed tapew na bato ya atagey nen siak.+
3 Ta sikay pansasalimbengan ko, Say mabiskeg a tori a manproprotektad siak ed kabusol.+
4 Magmaliw ak a sangkaili ed toldam ya anggad angga;+Manpasalimbeng ak ed silong na saray payak mo.+ (Selah)
5 Ta dinengel mo ray sipan ko, O Dios.Inikdan mo ak na tawir ya iiter mod saramay ontatakot ed ngaran mo.+
6 Parukeyen moy bilay* na ari,+Tan saray taon to et manlapud sakey a henerasyon ya anggad ontumbok iran henerasyon.
7 Sikatoy onyurong ed trono* ya anggad angga diad arapan na Dios;+Iter mo pad sikato* so matoor a panangaro tan say katooran, pian sikatoy salimbengan da.+
8 Kanian kansionan ko na panangidayew so* ngaran mo ya anggad angga+Legan kon susumpalen iray sipan ko ed kada agew.+
