Salmo 147:1-20
147 Idayew yoy Jah!*
Maabig so mangansion na panangidayew ed* Dios tayo;Agaylan makapaliket tan manepeg so pangidayew ed sikato!+
2 Ipapaalagey nen Jehova so Jerusalem;+Titiponen to ray nitaytayak a totoo na Israel.+
3 Papaabigen to iramay asakitan so puso ra;Bebedberan to iray sugat da.
4 Bibilangen to ray bitewen;Amin da et tatawagen tod ngaran.+
5 Say Katawan tayo et agnaparaan tan mabiskeg ed pakayari;+Agnasukat so pakatalos to.+
6 Iyaatagey nen Jehova so mauyamo,+Balet ibabalsak tod dalin so mauges.
7 Kansionan yo na pisasalamat si Jehova;Kansionan yo na panangidayew so Dios tayo, a bansagan yoy arpa,
8 Samay manasanib ed katawenan diad panamegley na saray lurem,Samay mangiiter na uran ed dalin,+Samay mamapatubo na dika+ ed saray palandey.
9 Iikdan to na naakan iray ayayep,+Tan saray sibong na wawak ya onkekerew na naakan.+
10 Agto panliliketan so biskeg na kabayo;+Tan agto pandinayewan iray mabiskeg a bikking na too.+
11 Noagta naliliketan si Jehova ed saramay ontatakot ed sikato,+Diad saramay manaalagar ed matoor a panangaro to.+
12 O Jerusalem, igloriam si Jehova.
O Sion, idayew moy Dios mo.
13 Gagawaen ton malet iray balewet na puerta na syudad mo;Bebendisyonan to ray ananak mon lalaki.
14 Papawalaen toy kareenan ed sakop mo;+Pepeselen to ka na sankaabigan a trigo.+
15 Ibabaki toy ganggan to diad dalin;Mapmaples ya onsasabi ditan so salita to.
16 Ibabaki toy niebe a singa abel a gawad bagoy karnero;+Itatayak ton singa dapol iray kinmigtel a linaew.+
17 Ipepelag ton singa mekmek na tinapay iray uran a kristal.*+
Siopay makaanos ed betel a papawalaen to?+
18 Ibabaki toy salita to, tan natutunaw iratan.
Pasisiplogen toy dagem to,+ tan onaagus iray danum.
19 Iyaabawag toy salita to ed Jacob,Saray pananontonan to tan saray panangukom to ed Israel.+
20 Agto itan ginawa ed arum a nasyon;+Anggapoy amta ra ed saray panangukom to.
Idayew yoy Jah!*+
