Salmo 4:1-8
Parad direktor; bansagan na nandeles iran instrumento. Kansion nen David.
4 Sano ontawag ak, komon ta ebatan mo ak, O matunong a Dios ko.+Manggawa kay napawayan* ko manlapud pakakagonigon ko.Kasian mo ak tan dengel moy pikakasik.
2 Sikayo ran totoo,* anggad kapigan yo iyabebay kagalangan ko?Anggad kapigan yo aroen so bengatlan andi-kakanaan tan anapen so katilaan? (Selah)
3 Amtaen yo ya espisyal so pantrato nen Jehova ed samay matoor ed sikato;*No ontawag ak ed si Jehova, dengelen to ak.
4 No onsasanok ka, agka komon mankakasalanan.+No walay ibagam, dia labat lad pusom, diad dukolan mo, tan mandeen ka labat. (Selah)
5 Mangiyapay ka na saray bagat na inkatunong,Tan manmatalek kad si Jehova.+
6 Dakel so mangibabaga: “Siopay mangipanengneng ed sikami na maong iran bengatla?”O Jehova, pasindag mod sikami so liwawa na lupam.+
7 Pinanom so pusok na mas baleg a liketNen say nalilikna na saramay dakdakel so ani tan balon alak da.
8 Ondukol tan onugip ak a walaay kareenan,+Ta sika labat, O Jehova, so mangiiter ed siak na kaligenan.+
