Salmo 35:1-28

  • Pikakasi pian niliktar ed saray kabusol

    • Pataynanen iray kalaban (5)

    • Pangidayew ed Dios diad limog na nantitipon a totoo (18)

    • Binusol ya anggapoy makasengeg (19)

Salmo nen David. 35  O Jehova, idepensam pay kasok ed saramay onsusumpad siak;+Labanan mo pa iramay milalaban ed siak.+   Alam pay panagsamben* tan baleg a panagsamper mo,+Tan iyagel mo ak.+   Iyayag mo pay gayang mo tan say wasay mon parad guerra* ed saramay manguusil ed siak.+ Ibagam pad siak:* “Siak so mangiliktar ed sika.”+   Nabaingan tan niyabeba komon iramay malabay a mamatey ed siak.*+ Onatras komon lapud kababaingan iramay manplaplanon maneral ed siak.   Komon ta magmaliw iran singa taep ya ititikyab na dagem;Pataynanen ira komon na anghel nen Jehova.+   Magmaliw komon ya ambilunget tan andanglel so dalan daLegan iran uusilan na anghel nen Jehova.   Ta anggapoy makasengeg et pinatitan da ak na iket;Anggapoy makasengeg et nankotkot ira na abot parad siak.*   Komon ta biglan onsabid sikara so desyang;Naerel ira komon ed iket ya impatit da;Napelag ira komon ditan tan naderal ira.+   Balet manggayaga ak* lapud si Jehova;Naliketan ak ed saray panangiliktar to. 10  Diad interon biskeg ko et ibagak: “O Jehova, siopay mipara ed sika? Iyaagel mo so andiay pakayari ed saramay mas mabiskeg nen sikato,+Say andiay pakayari tan mairap-bilay ed saramay mantatakew ed sikara.”+ 11  Wala ray inmarap a testigon mauges so motibo ra,+Tetepeten dad siak iray bengatlan agko amta. 12  Babalesen da na kaugsan so kamaongan ko,+Kanian say pakaliknak* et inateyan ak. 13  Balet sanen nansakit ira, nansulong ak na sakon abel;Pinairap koy sarilik* diad panag-ayunal,Tan sanen agnaeebatan* so pikakasik, 14  Nanakar-akar ak a maer-ermen a singa ak inateyan na kaaro odino agi;Akatuek ak lapud ermen, a singa sakey ya inateyan na ina. 15  Balet sanen atumba ak, nanliket tan nantitipon ira;Nantitipon ira pian atakien da ak manlapud maamot a pasen;Biningbingkas da ak tan ag-ira dinmeen. 16  Mumudmoraen ak na saray agmaridios,*Ingangayet da ray ngipen da sumpad siak.+ 17  O Jehova, anggad kapigan a mamanbantay ka labat?+ Komon ta iliktar mo ak* ed panangataki ra,+Say pinabpablik a bilay* manlapud saray malangwer a leon.*+ 18  Diad ontan et misalamat ak ed sika diad baleg a kongregasyon;+Idayew ta ka diad limog na nantitipon a totoo. 19  Agmo aabuloyan ya elek-elekan ak na saramay onsusumpa ed siak ya anggapoy makasengeg;Agmo aabuloyan ya onkindat a walaay mauges a motibo+ iramay mamubusol ed siak ya anggapoy makasengeg.+ 20  Ta aliwan nipaakar ed kareenan so ibabaga ra,Noagta mapalikdo iran manggagaway pakana sumpad saramay mareen a totoo ed dalin.+ 21  Biniswat day sangi ra pian akusaan da ak,A kuan da: “Aha! Aha! Anengneng itan na saray mata mi.” 22  Anengneng moy agawa, O Jehova. Agka komon manpapareen.+ Agka komon mansiasiansian arawi ed siak, O Jehova.+ 23  Liing ka tan alagey ka pian idepensam ak,O Jehova a Dios ko, idepensam so kasok. 24  Ukom mo ak pa unong ed inkatunong mo,+ O Jehova a Dios ko;Tan agmo aabuloyan ya elek-elekan da ak. 25  Agdan balot komon ibagad inkasikara: “Aha! Nala mi lay labalabay mi.”* Agdan balot komon ibaga: “Aderal min siansia.”+ 26  Komon ta nabaingan tan napabanday ya aminIramay panliliketan day paniirap ko. Komon ta nabaingan tan niyabeba iramay maniisip ya atagtagey ira nen siak. 27  Balet oneyag komon ed liket iramay panggagayagaan day inkatunong ko;Naynay da komon ya ibaga:“Nitandoro komon si Jehova, samay manliliket sano walay kareenan na lingkor to.”+ 28  Diad ontan et isalaysay* ko so inkatunong mo+Tan naynay ta kan idayew.+

Paimanod leksab

Melag a panagsamper a kaslakan ya aawiten na saray managpana.
Odino “duaray tarem a wasay.”
Odino “kamarerwak.”
Odino “iramay manaanap ed kamarerwak.”
Odino “kamarerwak.”
Odino “so kamarerwak.”
Odino “pakalikna na kamarerwak.”
Odino “kamarerwak.”
Odino “ompapawil ed pagew ko.”
Odino posiblin, “Saray agmaridios et mamabalaw parad bibingka.”
Odino “so kamarerwak.”
Literal, “Samay alenleneg ed siak,” ya ontutukoy ed kamarerwa odino bilay to.
Odino “saray mabiskeg tan malangwer a leon.”
Odino “Aha! Say kamarerwa mi.”
Odino “dalepdepen.”