Salmo 95:1-11
95 Gali dia, oneyag tayod liket tan idayew tayoy Jehova!
Oneyag tayod liket tan idayew tayo so Bato na kilalaban tayo.+
2 Ondago tayo diad arapan to* pian misalamat ed sikato;+Oneyag tayod liket tan kansionan tayo na panangidayew.
3 Ta si Jehova so sankatagyan a Dios,Say Ari a balbaleg so pakauley to nen say arum ni ran dirios.+
4 Walad pakayari to iray kaaralman na dalin;Kien to iray atataragey a palandey.+
5 Kien to so dayat, a ginawa ton mismo,+Tan say amagan dalin et ginawa na saray lima to.+
6 Gali dia, ta mandayew tan ondakmomo tayo;Ontalimukor tayod arapan nen Jehova a Manamalsa tayo.+
7 Ta sikato so Dios tayo,Tan sikatayo ray totoon walad panagpastolan to,Saray karnero a walad panangasikaso to.*+
Natan, no dedengelen yoy boses to,+
8 Agyo papaaweten so puso yo a singa agawa diad Meriba,*+A singa ed samay agew na Massa* diad kalawakan,+
9 Sanen sinali ak na saray inmuunan atateng yo;+Sinubok da ak, anggano anengneng da ray ginawak.+
10 Diad loob na 40 taon et akalikna ak na panamusol ed sayan henerasyon, tan inkuan ko:
“Sarayan totoo et naynay ya onaarawi puso ra;Agda tutumboken iray dalan ko.”
11 Kanian diad sanok ko et insambak:
“Ag-ira onloob ed painawak.”+
