Salmo 69:1-36

  • Pikakasi pian niliktar

    • “Say seseg ko parad abung mo et mandarlang ed loob ko” (9)

    • “Ebatan mo ak pan tampol” (17)

    • “Papainumen da ak na tuka” (21)

Parad direktor; diad “Saray Lirio.” Salmo nen David. 69  Iliktar mo ak pa, O Dios, ta napepeligroy bilay ko lapud* saray danum.+   Onlelereg ak ed aralem a pitek, a ditan et anggapoy anawet a natoonan.+ Nakar koy aralem a danum,Tan inyanor ak na maksil ya agus.+   Naksawan ak la ya ontatawag;+Apagas ak la.Kinmuyep la ray matak diad panaalagar kod Dios ko.+   Saramay mamubusol ed siak ya anggapoy makasengeg+Et mas dakel nen saray buek ko. Saramay malabay a mamatey ed siak,Saramay traidor ya onsusumpad siak,* et dinmakel. Apasootan ak ya iter so bengatlan agko tinakew.   O Dios, amtam a kinmiwas ak a makulangkulang,Tan agniyamot ed sika so kasalanan ko.   Komon ta saramay maniilalo ed sika et agniiyan ed kababaingan lapud siak,O Soberanon Katawan, Jehova na saray armada.Komon ta saramay manaanap ed sika et agniyabeba lapud siak,O Dios na Israel.   Babalawen ak nisengeg ed sika;+Asakbongan na kababaingan so lupak.+   Singa ak sananey a too ed saray agagik,Sakey a dayo ed saray ananak nen inak.+   Say seseg ko parad abung mo et mandarlang ed loob ko,+Tan sinalor ko ray panagbalaw na saramay mamabalaw ed sika.+ 10  Sanen inyabebak so sarilik* tan nanayunal ak,*Abalaw ak lapud satan. 11  Sanen nansulong ak na sakon abel,Siak so nagmaliw a pantotongtongan* da. 12  Siak so paniistoryaan na saramay akayurong diad puerta na syudad,Tan nipaakar ed siak so kakansionen na saray buanges. 13  Balet makasabi komon ed sika so pikakasikDiad makapaliket a panaon, O Jehova.+ O Dios, lapud kabaleg na matoor a panangarom,Ebatan mo ak pa diad seguradon pangiliktar mod siak.+ 14  Agwat mo ak pa ed lunek;Agmo ak aabuloyan ya onlereg. Isalbam ak komon manlapud saramay mamubusol ed siakTan manlapud aralem a danum.+ 15  Agmo komon aabuloyan ya iyanor ak na maksil ya agus,+Odino akmonen ak na kaaralman,Odino ikupit na bobon* so sangi to ed siak.+ 16  Ebatan mo ak pa, O Jehova, ta say matoor a panangarom et maabig.+ Unong ed kabaleg na panangasim, imanom ak pa+ 17  Tan agmo iyaamot so lupam ed lingkor mo.+ Ebatan mo ak pan tampol, ta nagogonigon ak.+ 18  Komon ta ondago kad siak tan isalbam ak;*Dondon mo ak ed saray kalaban ko. 19  Amtam so impamalaw tan impamabanday tan impangiyabeba ed siak.+ Nanenengneng moy amin ya onsusumpad siak. 20  Asakitan so pusok lapud panagbalaw, tan agla onabig so sugat to.* Maniilalo ak a walay miambegya, balet anggapo,+Tan saray managligliwa, balet anggapoy aromog ko.+ 21  Balet sinali da ak a pakanen na samal,*+Tan sanen napgaan ak, papainumen da ak na tuka.+ 22  Say lamisaan da et magmaliw komon a kalot ed sikara,Tan say inkaaligwas da et magmaliw komon a patit.+ 23  Pabilunget mo komon iray mata ra pian ag-ira makanengneng,Tan panggiwgiw mo komon a naynay iray bikking* da. 24  Ikalbom pad sikara so pasnok mo,Tan naabotan ira komon na mandarlang a sanok mo.+ 25  Komon ta sigpot a napaulyan iray kampo* ra;Anggapo la komoy manayam ed saray tolda ra.+ 26  Ta uusilan da may kinabil mo,Tan naynay dan pantotongtongan so sakit ya alikna na saramay sinugatan mo. 27  Aruman mo ni na kasalanan so kasalanan da,Tan anggapo komon so apag da ed inkatunong mo. 28  Nabural komon so kangaranan da ed libro na bilay,+Tan ag-ira komon nilista a kaiba na saray matunong.+ 29  Balet maniirap ak tan nasasakitan ak.+Komon ta salimbengan ak na pakayarim a mangiliktar, O Dios. 30  Kansionan ko na panangidayew so ngaran na Dios,Tan sikatoy itandorok diad panamegley na pisasalamat. 31  Mas makapaliket iya ed si Jehova nen say kalakian a baka,Nen say kilaw a kalakian a bakan wala ray saklor tan kuko to.+ 32  Nanengneng itan na saray mauyamo tan manliket ira. Sikayo ran manaanap ed Dios, nabilay lamet komon so kapusoan yo. 33  Ta dedengelen nen Jehova iray mairap-bilay,+Tan agto leglemewen iray narel a totoo to.+ 34  Sikatoy idayew komon na tawen tan dalin,+Saray dayat tan amin a bengatlan onggagalaw ditan. 35  Ta say Sion et iliktar na Dios+Tan ipaalagey to lamet iray syudad na Juda,Tan manayam ira ditan tan kayarianen da itan. 36  Tawiren itan na kailalakan na saray lingkor to,+Tan manayam ditan iramay mangaaro ed ngaran to.+

Paimanod leksab

Odino “nabotan so kamarerwak na.”
Odino “Saramay onsusumpad siak ya anggapoy makasengeg.”
Odino “kamarerwak.”
Odino posiblin, “Sanen nanakis tan nanayunal ak.”
Literal, “sakey a proverbio.”
Odino “abot.”
Odino “Komon ta ondago kad kamarerwak tan dondon mo itan.”
Odino “tan naaandian ak lay ilalo.”
Odino “makasamal a tanaman.”
Literal, “iray balangbang.”
Odino “iray apadiran a kampo.”