Salmo 107:1-43
(Salmo 107-150)
107 Misalamat kayod si Jehova, ta sikatoy maomaong;+Say matoor a panangaro to et mansiansia ya anggad angga.+
2 Ontan komon so ibaga na saramay binawi* nen Jehova,Saramay binawi to ed lima* na kalaban,+
3 Saramay tinipon to manlapud saray bansa,+Manlapud bukig tan manlapud sagur,*Manlapud amianen tan manlapud abalaten.+
4 Nanliberliber ira diad kalawakan, diad desierto;Ag-ira akaromog na dalan a paonlad sakey a syudad a napanayaman da.
5 Naeras-erasan tan napgaan ira;Nalelemay ira* lapud kesaw.
6 Ontatawag irad si Jehova sano nagogonigon ira;+Insalba to ra ed mairap a kipapasen da.+
7 Impanakar to ra ed dugan dalan+Pian makaonla rad sakey a syudad a napanayaman da.+
8 Misalamat komon iray totoo ed si Jehova+ lapud matoor a panangaro toTan lapud saray makapakelaw a ginawa to parad ananak na totoo.+
9 Ta pinenek to so napgaan*Tan pinesel to na maong iran bengatla so narasan.*+
10 Wala ray manaayam ed ambilbilunget a pasen,Saray prison maniirap tan akagulonggulong.
11 Ta sinumlang da so salita na Dios;Agda nirespeto so bilin na Sankatagyan.+
12 Kanian inyabeba toy puso ra diad panamegley na irap;+Atumba ra, tan anggapoy anggan sakey a tinmulong ed sikara.
13 Kinmerew iray tulong ed si Jehova sanen nagogonigon ira;Insalba to ra ed mairap a kipapasen da.
14 Impaway to rad makapakapal a bilunget,Tan pinupultot to ray gulonggulong da.+
15 Misalamat komon iray totoo ed si Jehova lapud matoor a panangaro to+Tan lapud saray makapakelaw a ginawa to parad ananak na totoo.
16 Ta inggegeba to ray puerta a gansaTan pinuputer to ray balewet a balatyang.+
17 Makulangkulang ira kanian asagmak day irap+Nisengeg ed saray impakasumlang tan impakalingo ra.+
18 Anggapo lay ganas dan mangan na* anggan anton naakan;Asingsingger la rad saray puerta na ipapatey.
19 Onkekerew iray tulong ed si Jehova sano nagogonigon ira;Isasalba to ra ed mairap a kipapasen da.
20 Sikatoy mangigaganggan tan onaabig ira,+Tan ililiktar to ra ed saray abot a kawalaan da.
21 Misalamat komon iray totoo ed si Jehova lapud matoor a panangaro toTan lapud saray makapakelaw a ginawa to parad ananak na totoo.
22 Mangiyapay ira komon na saray bagat na pisasalamat+Tan malikeliket dan iyabawag iray kimey to.
23 Saramay manbiabiahed dayat diad panamegley na barko,A mannenegosyo diad maawa-awang a dayat,+
24 Et nanenengneng da ray kimey nen JehovaTan saray makapakelaw a gawa to diad kaaralman;+
25 No panon a diad panamegley na salita to et onkakasil so dagem,+Ya onaatagey iray daluyon na dayat.
26 Nibubuntatok ira anggad tawen;Onlelereg ira ed kaaralman.
Naeekalan iray biskeg na linawa lapud onsasabin kalamidad.
27 Diweng-diweng tan mantugingging ira a singa abuek,Tan anggapoy kakanaan na amin a dunong da.+
28 Insan ontatawag irad si Jehova sano nagogonigon ira,+Tan isasalba to ra ed mairap a kipapasen da.
29 Patutundaen toy maksil a dagem;Ondedeen iray daluyon na dayat.+
30 Manliliket ira sano ondedeen iratan,Tan itotonton to ra ed labalabay dan daongan.
31 Misalamat komon iray totoo ed si Jehova lapud matoor a panangaro toTan lapud saray makapakelaw a ginawa to parad ananak na totoo.+
32 Sikatoy itandoro da komon diad limog na nantitipon a totoo,+Tan idayew da komon diad grupo* na mamatatken.
33 Saray ilog et pagmamaliwen ton desiertoTan saray subol na danum et pagmamaliwen ton amagaan a dalin,+
34 Say mabunan dalin et pagmamaliwen ton maasin a dalin ya agnapanayaman,+Lapud kaugsan na saramay manaayam ditan.
35 Say desierto et pagmamaliwen ton maranum a pasen,Tan say amagan dalin et pagmamaliwen ton subosubol na danum.+
36 Panaayamen to ditan iramay nanaerasan,+Pian makapangiletneg ira na syudad a napanayaman da.+
37 Mangisisibwag ira na bini ed kaumaan tan mantatanem ira na kaubasan+A manbubunga na dakdakel.+
38 Bebendisyonan to ra tan ondarakel iran maong;Agto aabuloyan a nabawasan iray ayayep da.+
39 Balet sikaray ondadaiset lamet tan nipapaabeba raLapud panaglames, irap, tan ermen.
40 Ikakalbo toy panagmudmora ed saray gagalangen a totooTan panaakar-akaren to ra diad saray dalin ya agnapanayaman tan anggapoy basbas.+
41 Balet iyaagel to* iray mairap-bilay ed panaglames+Tan saray pamilya ra et paparakelen ton singa pulok.
42 Nanenengneng iya na maptek tan manliket;+Balet amin ya agmatunong et pepepetan day sangi ra.+
43 Siopaman a marunong et imanoen to irayan bengatla+Tan nonoten ton maong iray matoor a panangaron ipapatnag nen Jehova.+
Paimanod leksab
^ Odino “sinaliw lamet.”
^ Odino “pakayari.”
^ Odino “Manlapud bubutayan na agew tan manlapud seselekan na agew.”
^ Odino “so kamarerwa ra.”
^ Odino “amagaan a kamarerwa.”
^ Odino “narasan a kamarerwa.”
^ Odino “Kabusol na kamarerwa ra so.”
^ Literal, “yurongan.”
^ Odino “iiyan tod tagey,” salanti, agnagawat.
