Salmo 144:1-15
Salmo nen David.
144 Narayew komon si Jehova, say Batok,+A mangipapasal ed saray limak a milaban,Tan ed saray gamet ko a miguerra.+
2 Sikatoy mangipapatnag ed siak na matoor a panangaro tan sikatoy panag-amotan ko,Say maligen a salimbengan* ko tan say manangiliktar ko,Say samper ko tan samay silongan ko,+Samay ipapasakop tod siak iray totoo.+
3 O Jehova, antoy kablian na too pian sikatoy imanoen mo,Say anak na too pian sikatoy asikasoen mo?+
4 Say too et singa labat ingas;+Saray agew to et singa anino ya onlalabas.+
5 O Jehova, iyabebam so tawen tan epas ka;+Diwit mo ray palandey tan paasewek mo ra.+
6 Manpakirmat ka tan itaytayak mo ray kabusol;+Ikenam iray panam tan gulom ira.+
7 Manlapud tagey et iyunat mo pa ray limam;Iliktar mo ak tan isalbam ak ed madaluyon iran danum,Ed lima na saray dayo,+
8 A say sangi ra et mansasalita na aliwan tuaTan say kawanan a lima ra et itatagey da pian mangisamba na katilaan.*
9 O Dios, kansionan ta ka na sakey a balon kansion.+
Kansionan ta ka na panangidayew,* a binansagan na instrumenton samploray deles,
10 Samay mangiiter na pananalo* ed saray arari,+Samay mangisasalba ed lingkor ton si David ed makapatey ya espada.+
11 Isalbam ak tan iliktar mo ak ed lima na saray dayo,A say sangi ra et mansasalita na aliwan tuaTan say kawanan a lima ra et itatagey da pian mangisamba na katilaan.
12 Diad ontan, saray anak min lalaki et magmaliw a singa saray malangwer a tanaman a maples ya ombabaleg,Saray anak min bibii et singa ra poste ed suyok ya inukitan parad palasyo.
13 Saray kamalir mi et napanopano na nanduruman klase na ani;Saray pulok mi ed kaumaan mi et ondakerakel na nilibo, on, samplon libolibo.
14 Saray malukon ya ayayep mi et agnarisgo odino naekalan;Anggapoy onakis lapud gonigon diad saray plaza mi.
15 Maliket so totoo ya ontan so kipapasen da!
Maliket so totoo a say Dios da et si Jehova!+
Paimanod leksab
^ Odino “Say atagey tan maligen a pasen.”
^ Literal, “Tan say kawanan a lima ra et kawanan a lima na katilaan.”
^ Odino “Mantogtog tan mangansion ak parad sika.”
^ Odino “kililiktar.”
