Salmo 109:1-31
Parad direktor. Salmo nen David. Sakey a kansion.
109 O Dios ya idadayew ko,+ agka komon manpapareen.
2 Ta say mauges tan say managpalikdo et bibiswaten day sangi ra sumpad siak.Say dila ra et mansasalita na katilaan nipaakar ed siak;+
3 Akapaliber irad siak, a papaugesen da ak,Tan aatakien da ak ya anggapoy makasengeg.+
4 Say panangarok et babalesen da na isusumpa;+Balet agak ontutundan manpikasi.
5 Babalesen da na kaugsan so kamaongan ko+Tan babalesen da na panagbusol so panangarok.+
6 Manuro ka komon na mauges a toon mangukom ed sikato;Onalagey komon ed nikawanan to so sakey a sumusumpa.*
7 Sano sikatoy ukomen, ompaway komon a sikatoy nankasalanan;*Anggan say pikakasi to et ipasen komon a kasalanan.+
8 Agkomon manbayag so bilay to;+Alaen komon na sananey so betang to bilang manangasikaso.+
9 Naulila komon ed ama iray ananak to,*Tan nabalo komon so asawa to.
10 Saray anak to* et magmaliw komon a mipapayabol ya akar-akar,A manaanap na naakan ed ageray-geray ya abung da.
11 Komon ta samsamen na managpautang* so amin a walad sikato,Tan takewen komon na saray estranghero so amin a kayarian to.
12 Anggapo komon so mangipatnag na kaabigan* ed sikato,Tan anggapo komon so mangasi ed saray ananak ton naulilad ama.
13 Napultot komon so kailalakan* to;+Nabural komon so kangaranan da diad loob na sakey a henerasyon.
14 Agkomon lingwanan nen Jehova so lingo na inmuunan atateng to,+Tan agkomon nabural so kasalanan nen ina to.
15 Naynay komon a walad nonot nen Jehova no antoy ginawa ra;Tan ekalen to komon ed dalin so pakanodnonotan ed sikara.+
16 Ta nilingwanan na saman a too so mangipatnag na kaabigan,*+Tan inuusilan to imay toon nalalames,+ pakaskasi, tan maer-ermenPian napatey to.+
17 Labalabay toy mangisamba, kanian sikatoy nisamba;Agto labay so mamendisyon, kanian ag-akaawat na panamendisyon.
18 Sikatoy akawesan na saray panagsamba.
Tan inkalbo iratan ed laman to a singa danum,Ed saray pukel to a singa larak.
19 Komon ta saray panangisamba ed sikato et singa kawes ya ilalatop to+Tan singa balkes a naynay ton isusulong.
20 Onia so ibales nen Jehova ed samay onsusumpad siak+Tan ed saramay mansasalita na mauges ed siak.*
21 Balet sika, O Jehova a Soberanon Katawan,Kiwas ka komon parad siak nisengeg ed ngaran mo.+
Iliktar mo ak komon lapud say matoor a panangarom et maabig.+
22 Ta anggapoy pakayarik tan pakaskasi ak,+Tan asugatay pusok.+
23 Naaandi ak a singa aninon kalkalnan nababalang;Inwasik ak a singa sakey a duron.
24 Mankalog iray pueg ko lapud panag-ayunal;Mapmabeng ak, tan makapkapuy ak la.*
25 Kakkantiawan da ak.+Sano nanenengneng da ak et mameyengpeyeng ira.+
26 Tulongan mo ak pa, O Jehova a Dios ko;Iliktar mo ak komon diad panamegley na matoor a panangarom.
27 Naamtaan da komon a say limam,O Jehova, so nanggawa ed satan.
28 Paulyan mo ra a mangisamba, balet komon ta mamendisyon ka.
Sano onsumpa rad siak, niiyan ira komon ed kababaingan,Balet paliket mo komon so lingkor mo.
29 Nakawesan komon na kababaingan iramay onlalaban ed siak;Nasulongan ira komon na kabandayan a singa andukey a kawes.*+
30 Say sangik et masimoon a mangidayew ed si Jehova;Sikatoy idayew ko diad arap na dakel a totoo.+
31 Ta sikatoy onalagey diad nikawanan na pakaskasiPian iliktar to ed saramay manguukom ed sikato.*
Paimanod leksab
^ Odino “sakey a manag-akusa.”
^ Odino “mauges.”
^ Literal, “ananak ton lalaki.”
^ Literal, “ananak ton lalaki.”
^ Odino “Komon ta patitan na saray mangaalay alablabas ya interes.”
^ Odino “matoor a panangaro.”
^ Odino “poli.”
^ Odino “matoor a panangaro.”
^ Odino “kamarerwak.”
^ Literal, “Say laman ko et inmebeng, andiay taba (larak).”
^ Odino “andiay-taklay a latop.”
^ Odino “kamarerwa to.”
