Mazmur 116:1-19
116 Aku sayang karo YéhuwahMerga Dhèwèké ngrungokké* aku wektu aku njaluk tulung.+
2 Dhèwèké ngrungokké* aku,+Lan aku bakal njaluk tulung marang Dhèwèké sakjegé uripku.
3 Aku kaya digubed taliné kematian.+
Aku sedhih lan susah.
Aku ngrasa nèk wis arep mati.+
4 Aku ndonga marang Yéhuwah lan nyebut jenengé,+”Oh Yéhuwah, tulung slametna aku.”
5 Yéhuwah kuwi bener lan apikan.*+
Gusti Allahé awaké dhéwé kuwi gampang mesakké.+
6 Yéhuwah nuntun wong sing ora nduwé pengalaman.+
Dhèwèké nylametké aku pas aku ngrasa putus asa.
7 Aku ora bakal kuwatir manèhMerga Yéhuwah apikan karo aku.
8 Njenengan nylametké aku bèn aku ora mati.
Njenengan nggawé aku ora nangis manèh lan njaga aku bèn ora ambruk.+
9 Uripku bakal tak gunakké kanggo ngabdi marang Yéhuwah.*
10 Merga nduwé iman, aku ngomongké apa sing tak percayani,+Senajan aku ngrasa susah banget,
11 Saking wediné, aku nganti ngomong,”Kabèh manungsa kuwi tukang ngapusi.”+
12 Piyé carané aku isa mbales YéhuwahMerga Dhèwèké wis apikan karo aku?
13 Aku bakal ngombé nganggo* gelas bèn isa ngucap syukur merga Dhèwèké wis nylametké aku.
Aku bakal muji jenengé Yéhuwah.
14 Aku bakal nepati janjiku marang YéhuwahIng ngarepé kabèh umaté.+
15 Yéhuwah ngrasa kélangan banget*Nèk para abdiné sing setya mati.+
16 Oh Yéhuwah, aku njaluk tulungMerga aku iki abdi-Mu.
Aku ngabdi marang Njenengan, kaya ibuku sing ngabdi marang Njenengan.
Njenengan mbébaské aku saka tali sing nggubed aku.+
17 Aku bakal mènèhi persembahan yaiku ucapan syukur.+
Aku bakal muji jenengé Yéhuwah.
18 Aku bakal nepati janjiku marang Yéhuwah+Ing ngarepé kabèh umaté,+
19 Ing halaman omahé Yéhuwah,+Ing tengah-tengahé Yérusalèm.
Pujinen Yah.*+
Cathetan Ngisor
^ Utawa mungkin ”Aku sayang merga Yéhuwah ngrungokké”.
^ Utawa ”mbungkuk lan ngrungokké”.
^ Utawa ”murah hati”.
^ Lit.: ”Aku bakal mlaku ing ngarepé Yéhuwah ing tanahé wong urip”.
^ Utawa ”ngangkat”.
^ Lit.: ”Berharga kanggo Yéhuwah”.
^ Utawa ”Haléluyah!” ”Yah” kuwi singkatan saka jeneng Yéhuwah.
