Mazmur 108:1-13

  • Donga bèn isa ngalahké mungsuh

    • Keslametan saka manungsa kuwi ora ana gunané (12)

    • ”Gusti Allah bakal mènèhi aku kekuwatan” (13)

Lagu sing digawé Daud. 108  Oh Gusti Allah, atiku percaya marang Njenengan. Aku bakal nyanyi lan main musik kanggo muji Njenengan saktulusé atiku.+   Aku bakal tangi sakdurungé matahari terbit. Aku péngin main harpa lan alat musik bersenar liyané.+   Oh Yéhuwah, aku bakal muji Njenengan ing antarané bangsa-bangsa. Aku bakal nyanyi lagu pujian* kanggo Njenengan ing antarané bangsa-bangsa,   Merga katresnan-Mu* sing luar biasa kuwi tekan langit,+Lan kesetiaan-Mu tekan méga-méga.   Oh Gusti Allah, muga-muga Njenengan diluhurké tekan ndhuwur langit. Duduhna kemuliaan-Mu marang kabèh wong ing bumi.+   Slametna aku nganggo kekuwatan-Mu lan jawaben aku,+Bèn wong sing mbok tresnani isa slamet.   Gusti Allah sing suci kandha,*”Aku bakal seneng, Aku bakal mènèhké Syikhèm+ marang umat-Ku,Lan Aku bakal ngukur Lembah* Sukot.+   Giléad+ lan Manasyé kuwi duwèk-Ku,Lan Éfraim kuwi tutup sirah-Ku saka wesi.+ Yéhuda kuwi tongkat pamréntahan-Ku.+   Moab kuwi baskom sing Tak enggo wisuh.+ Édom bakal Tak uncali sandal-Ku.+ Aku bakal sorak-sorak merga Filistia kalah.”+ 10  Sapa sing nuntun aku kanggo ngalahké kutha sing ana bèntèngé kuwi? Sapa sing bakal nuntun aku tekan Édom?+ 11  Oh Gusti Allah, Njenengan sing bakal nuntun aku mrana. Ning, Njenengan wis ninggalké aku lan ora ndhukung pasukanku.+ 12  Tulung bantu aku wektu aku susah.+ Keslametan saka manungsa kuwi ora ana gunané.+ 13  Gusti Allah bakal mènèhi aku kekuwatan,+Lan Dhèwèké bakal ngalahké mungsuh-mungsuhku.+

Katrangan Tambahan

Utawa ”main musik”.
Utawa ”katresnan-Mu sing langgeng”. Deloken Daftar Istilah.
Utawa mungkin ”Gusti Allah kandha ing panggonané sing suci”.
Utawa ”Dataran Rendah”.