Mazmur 35:1-28

  • Donga njaluk dibébaské saka mungsuh

    • Mungsuh bakal diusir (5)

    • Muji Gusti Allah ing antarané wong akèh (18)

    • Disengiti tanpa sebab (19)

Lagu sing digawé Daud. 35  Oh Yéhuwah, tulung béla aku wektu mungsuh-mungsuhku nglawan aku.+ Tulung lawanen wong sing nglawan aku.+   Jupuken tamèng sing cilik lan sing gedhé,+Tulungana aku.+   Jupuken tombak lan kapak-Mu kanggo nglawan wong sing ngoyak* aku.+ Omonga karo aku, ”Aku sing bakal nylametké kowé.”+   Muga-muga wong sing arep matèni aku digawé isin lan direndhahké.+ Muga-muga wong sing nggawé rencana kanggo nyingkirké aku dadi isin lan padha mlayu.   Muga-muga wong-wong kuwi dadi kaya kulit biji-bijian sing kabur kena angin. Muga-muga wong-wong kuwi diusir malaékaté Yéhuwah.+   Muga-muga wektu dioyak* malaékaté Yéhuwah,Wong-wong kuwi ngliwati dalan sing peteng lan lunyu.   Tanpa alesan, wong-wong kuwi masang jaring kanggo njebak aku. Tanpa alesan, wong-wong kuwi nggali lubang kanggo nyekel aku.   Muga-muga wong-wong kuwi ujug-ujug kena bencana. Muga-muga wong-wong kuwi kena jebakan sing dipasang wong-wong kuwi dhéwé. Muga-muga wong-wong kuwi tiba ing kono lan mati.+   Aku bakal ngrasa seneng merga Yéhuwah. Aku bakal bahagia merga Dhèwèké wis nylametké aku. 10  Aku tulus ngomong saka atiku,”Oh Yéhuwah, sapa sing kaya Njenengan? Njenengan nylametké wong sing susah saka wong sing luwih kuwat.+ Njenengan nylametké wong sing susah lan wong mlarat saka wong sing ngrampok wong-wong kuwi.”+ 11  Wong jahat ngomongké sing ora bener soal aku wektu aku diadili.+ Aku ditudhuh nindakké apa sing ora tak ngertèni. 12  Wong-wong kuwi mbales tumindakku sing apik nganggo kejahatan.+ Wong-wong kuwi nggawé aku sedhih banget. 13  Ning, pas wong-wong kuwi lara, aku nganggo kain goni,Lan pas aku ndongakké wong-wong kuwi tapi ora dijawab,*Aku pasa lan ngrasa susah. 14  Aku sedhih kaya wong sing kélangan kanca utawa seduluré sing mati. Aku mbungkuk merga sedhih, kaya wong sing sedhih merga kélangan ibuné. 15  Ning, pas aku susah, wong-wong kuwi malah ngumpul lan ngrasa seneng. Wong-wong kuwi ngumpul bèn isa nggolèk kesempatan kanggo nyerang aku. Wong-wong kuwi ora gelem meneng lan terus mitnah aku. 16  Wong sing jahat ngécé lan ngrendhahké aku.* Wong-wong kuwi nesu banget karo aku.+ 17  Oh Yéhuwah, nganti kapan Njenengan mung ndelok thok?+ Slametna aku saka serangané wong-wong kuwi.+ Slametna nyawaku sing berharga saka singa enom.*+ 18  Aku bakal ngucap syukur marang Njenengan ing jemaat gedhé.+ Aku bakal muji Njenengan ing antarané wong akèh. 19  Aja nganti wong sing mungsuhi aku tanpa alesan ngrasa seneng nèk aku susah. Aja nganti wong sing sengit tanpa sebab+ marang aku ngécé aku.+ 20  Omongané wong-wong kuwi nggawé ora rukun. Wong-wong kuwi nduwé rencana sing licik kanggo nyerang wong-wong sing seneng rukun.+ 21  Wong-wong kuwi ngunèkké lan nudhuh aku. Wong-wong kuwi kandha, ”Sokur, sokur. Aku wis ndelok dhéwé.” 22  Oh Yéhuwah, Njenengan wis ndelok kuwi kabèh. Aja meneng waé.+ Oh Yéhuwah, aja adoh-adoh saka aku.+ 23  Oh Yéhuwah Gusti Allahku, tulung gatèkna aku lan bélanen aku,Tulung bélanen kasusku. 24  Oh Yéhuwah Gusti Allahku, tulung Njenengan adil wektu ngadili aku.+ Aja nganti wong-wong kuwi ngrasa seneng wektu aku susah. 25  Aja nganti wong-wong kuwi ngomong, ”Ya iki sing tak karepké.” Aja nganti wong-wong kuwi kandha, ”Dhèwèké wis tak remuk.”+ 26  Muga-muga wong sing ngrasa seneng wektu aku susahDigawé isin lan direndhahké. Muga-muga wong sing rumangsa luwih unggul timbang aku dadi isin lan dirèmèhké. 27  Muga-muga wong sing ngrasa seneng merga aku nindakké sing bener padha sorak-sorak. Muga-muga wong kuwi terus kandha,”Muga-muga Yéhuwah diluhurké. Dhèwèké seneng nèk para abdiné urip rukun.”+ 28  Aku bakal nyritakké* tumindak-Mu sing bener+Lan terus muji Njenengan.+

Katrangan Tambahan

Utawa ”nguber”.
Utawa ”diuber”.
Utawa ”tapi bali manèh ing dhadhaku”.
Utawa mungkin ”Wong jahat ngécé merga péngin mangan roti sak iris”.
Utawa ”singa enom sing rambuté dawa”.
Utawa ”mikirké tenanan”.