Mazmur 24:1-10

  • Raja sing mulya mlebu ing gerbang

    • ’Bumi kuwi duwèké Yéhuwah’ (1)

Lagu sing digawé Daud. 24  Bumi sak isiné kuwi duwèké Yéhuwah.+ Tanah lan sing manggon ing kono ya duwèké.   Dhèwèké wis nggawé bumi ana ing ndhuwuré laut+Lan nggawé bumi tetep ana ing ndhuwuré kali.   Sapa sing éntuk munggah ing gunungé Yéhuwah?+ Sapa sing éntuk ngadeg ing panggonané sing suci?   Wong sing tulus atiné lan ora nindakké sing salah,+Sing ora nggawé sumpah palsu demi jeneng-Ku*Lan ora nggawé sumpah sing tujuané kanggo ngapusi.+   Dhèwèké bakal diberkahi Yéhuwah,+Lan Gusti Allah sing nylametké dhèwèké bakal nganggep nèk dhèwèké bener.*+   Ya kaya ngono kuwi wong-wong* sing nggolèk tuntunané Gusti Allah,Sing péngin nyenengké Njenengan,* oh Gusti Allahé Yakub. (Sela)   Gerbang-gerbang, angkaten lawangmu.+ Lawang-lawang sing wis tuwa, ayo padha mbukak,*Bèn raja sing mulya isa mlebu.+   Sapa raja sing mulya kuwi? Yéhuwah, sing kuwat banget.+ Yéhuwah, sing ora tau kalah perang.+   Gerbang-gerbang, angkaten lawangmu.+ Lawang-lawang sing wis tuwa, ayo padha mbukak,Bèn raja sing mulya isa mlebu. 10  Sapa raja sing mulya kuwi? Yéhuwah pemimpiné pasukan. Dhèwèké raja sing mulya kuwi.+ (Sela)

Katrangan Tambahan

Utawa ”demi urip-Ku”, maksudé uripé Yéhuwah.
Utawa ”adil”.
Utawa ”generasi”.
Lit.: ”nggolèki wajahé Njenengan”.
Utawa ”munggah”.