Mazmur 69:1-36

  • Donga njaluk dislametké

    • ”Semangatku kanggo ngabdi ing omah-Mu kuwi kaya geni sing murub ing njero awakku” (9)

    • ”Cepet jawaben aku” (17)

    • ”Aku diwènèhi cuka bèn tak ombé” (21)

Kanggo pemimpin musik: Nurut lagu ”Kembang Lili”. Lagu sing digawé Daud. 69  Oh Gusti Allah, slametna aku merga banyuné jero banget nganti aku mèh kleleb.+   Aku kleleb ing lumpur sing jero, lan ora ana lemah sing padhet.+ Aku kleleb ing banyu sing jeroLan kegawa arus sing banter banget.+   Aku dadi kesel merga bengok-bengok.+ Swaraku nganti serak. Mripatku ora isa ndelok jelas manèh merga ngentèni Gusti Allah.+   Wong sing sengit karo aku tanpa sebab+Luwih akèh timbang rambutku. Wong sing arep matèni aku,Yaiku mungsuhku sing licik,* wis dadi akèh banget. Aku dipeksa mènèhké apa sing ora tak colong.   Oh Gusti Allah, Njenengan ngerti nèk aku bodho banget. Njenengan ya ngerti kesalahanku.   Oh Gusti sing Mahakuwasa, Yéhuwah pemimpiné pasukan,Muga-muga wong sing berharap marang Njenengan ora digawé isin merga aku. Oh Gusti Allahé Israèl,Muga-muga wong sing nggolèk tuntunan-Mu ora diécé merga aku.   Aku diécé merga Njenengan.+ Aku dirèmèhké tenan.+   Kakang adhiku ora ngakoni aku manèh. Sedulur kandhungku ora ngakoni aku.+   Semangatku kanggo ngabdi ing omah-Mu kuwi kaya geni sing murub ing njero awakku,+Lan aku diécé wong-wong sing ngécé Njenengan.+ 10  Wektu aku ngrendhahké dhiri lan pasa,*Aku malah diécé. 11  Wektu aku nganggo kain goni,Aku malah diécé wong-wong kuwi. 12  Wong-wong sing lungguh ing gerbang kutha nggosipké aku,Lan wong sing mabuk nyanyi soal aku karo ngécé. 13  Oh Yéhuwah, muga-muga Njenengan ngrungokké dongakuLan nampa dongaku ing wektu sing cocog kanggo Njenengan.+ Oh Gusti Allah, Njenengan sayang banget karo* aku,Mula tulung jawab aku lan slametna aku.+ 14  Slametna aku saka lumpur. Aja nganti aku kleleb. Slametna aku saka wong sing sengit karo akuLan saka banyu sing jero.+ 15  Aja nganti aku kegawa arus sing banter banget+Utawa kleleb ing banyu sing jeroUtawa kekubur ing njero lubang.*+ 16  Oh Yéhuwah, tulung jawaben aku merga Njenengan sayang karo* aku.+ Tulung gatèkna aku merga Njenengan mesakké aku.+ 17  Aja nganti Njenengan ninggalké aku.*+ Cepet jawaben aku, merga aku lagi susah.+ 18  Tulung mréné lan slametna aku. Slametna* aku saka mungsuh-mungsuhku. 19  Njenengan ngerti nèk aku diécé, dirèmèhké, lan direndhahké.+ Njenengan ngerti kabèh mungsuhku. 20  Aku lara ati merga diécé, lan larané ora isa ditambani.* Aku péngin ana sing mesakké aku, ning ora ana.+ Aku péngin ana sing menghibur aku, ning nyatané ora ana.+ 21  Aku ora diwènèhi pangan, malah diwènèhi racun.*+ Pas aku ngelak, aku diwènèhi cuka bèn tak ombé.+ 22  Muga-muga péstané* wong-wong kuwi njebak wong-wong kuwi dhéwéLan kemakmurané wong-wong kuwi dadi jerat.+ 23  Muga-muga mripaté wong-wong kuwi ora isa ndelok manèhLan sikilé* wong-wong kuwi ndredheg terus. 24  Duduhna rasa nesu-Mu marang wong-wong kuwi. Muga-muga Njenengan nesu banget karo wong-wong kuwi.+ 25  Bèn waé perkémahané* ora ana sing ngurusi. Bèn waé kémahé ora ana sing ngenggoni.+ 26  Wong-wong kuwi nganiaya wong sing wis mbok hukumLan terus-terusan nggosipké soal kesusahané wong sing mbok larani. 27  Muga-muga hukuman kanggo kesalahané wong-wong kuwi tambah abot. Muga-muga wong-wong kuwi ora mbok anggep bener. 28  Muga-muga jenengé wong-wong kuwi dihapus saka buku kehidupan,+Lan aja nganti jenengé ditulis bareng karo jenengé wong bener.+ 29  Oh Gusti Allah, tulung slametké lan lindhungi akuMerga aku susah banget lan sengsara.+ 30  Aku bakal nyanyi lagu pujian kanggo jenengé Gusti Allah,Aku bakal ngucap syukur lan ngluhurké Dhèwèké. 31  Kuwi luwih disenengi Yéhuwah timbang sapi lanang,Timbang sapi lanang enom sing nduwé sungu lan kuku.+ 32  Wong sing wataké alus bakal ndelok kabèh kuwi lan ngrasa seneng. Hé kowé wong sing nggolèk tuntunané Gusti Allah, muga-muga kowé terus dikuwatké. 33  Yéhuwah ngrungokké wong sing mlarat,+Lan Dhèwèké ora ngrèmèhké umaté sing ditawan.+ 34  Muga-muga langit lan bumi muji Dhèwèké,+Termasuk laut lan kabèh sing ana ing njeroné. 35  Gusti Allah bakal nylametké Zion+Lan mbangun manèh kutha-kutha ing Yéhuda,Lan umaté bakal manggon ing kono lan nduwèni tanah kuwi. 36  Keturunané para abdiné bakal éntuk warisan tanah kuwi,+Lan wong-wong sing nresnani jenengé+ bakal manggon ing kono.

Katrangan Tambahan

Utawa ”Wong-wong sing mungsuhi aku tanpa sebab”.
Utawa mungkin ”Wektu aku nangis lan pasa”.
Utawa ”nduduhké katresnan sing langgeng sing gedhé banget marang”.
Utawa ”sumur”.
Utawa ”nduduhké katresnan sing langgeng marang”.
Lit.: ”Aja nganti Njenengan ndhelikké wajah-Mu saka aku”.
Lit.: ”Tebusen”.
Utawa ”lan aku putus asa”.
Utawa ”tanduran beracun”.
Lit.: ”méjané”.
Lit.: ”pinggangé”.
Utawa ”perkémahané sing ana témboké”.