Mazmur 106:1-48

  • Israèl ora ngajèni

    • Wong-wong kuwi cepet lali karo sing wis ditindakké Gusti Allah (13)

    • Ora ngluhurké Gusti Allah malah nyembah patung (19, 20)

    • Wong-wong kuwi ora nduwé iman marang janjiné Gusti Allah (24)

    • Wong-wong kuwi mèlu-mèlu nyembah Baal (28)

    • Anak-anak didadèkké persembahan kanggo roh jahat (37)

106  Pujinen Yah.* Ucapna syukur marang Yéhuwah, merga Dhèwèké kuwi apikan.+ Katresnané* ana saklawasé.+   Sapa sing isa nyritakké kabèh tumindaké Yéhuwah sing luar biasa? Sapa sing isa nyritakké kabèh tumindaké sing pantes dipuji?+   Wong sing tumindaké adilLan sing tumindaké bener kuwi bahagia.+   Oh Yéhuwah, tulung éling lan apikan karo aku kaya Njenengan wis apikan karo umat-Mu.+ Tulung gatèkna lan slametna aku,   Bèn aku isa ngrasakké nèk Njenengan apikan karo aku kaya Njenengan wis apikan karo wong sing mbok pilih,+Bèn aku isa ngrasa seneng bareng karo bangsa-Mu,Bèn aku isa ngrasa bangga wektu muji* Njenengan bareng karo para abdi-Mu.*   Aku wis nindakké dosa kaya nènèk moyangku.+ Aku wis nggawé kesalahan lan nindakké kejahatan.+   Nènèk moyangku sing manggon ing Mesir ora ngajèni* tumindak-Mu sing luar biasa. Wong-wong kuwi ora éling karo katresnan-Mu* sing gedhé,Ning malah mbrontak nglawan Njenengan ing laut, yaiku ing pinggir Laut Merah.+   Tapi, Gusti Allah nylametké umaté bèn jenengé diluhurké+Lan bèn wong-wong ngerti nèk Dhèwèké kuwat.+   Dhèwèké mbelah* Laut Merah, lan lauté dadi garing. Dhèwèké nuntun wong-wong kuwi mlaku ing dhasar laut kaya mlaku ing padhang pasir.*+ 10  Dhèwèké nylametké wong-wong kuwi saka wong sing nglawan wong-wong kuwi+Lan mbébaské wong-wong kuwi saka mungsuhé.+ 11  Mungsuh-mungsuhé kleleb ing njero banyu. Ora ana sing slamet.+ 12  Akhiré wong-wong kuwi nduwé iman marang janjiné+Lan nyanyi lagu pujian kanggo Dhèwèké.+ 13  Ning, wong-wong kuwi cepet lali karo sing wis ditindakké Gusti Allah+Lan ora ngentèni petunjuk saka Gusti Allah. 14  Ing padhang belantara, wong-wong kuwi ngutamakké kepentingané dhéwé.+ Wong-wong kuwi nguji Gusti Allah ing padhang pasir.+ 15  Gusti Allah mènèhi apa sing dijaluk wong-wong kuwi. Ning sakwisé kuwi, Dhèwèké nggawé wong-wong kuwi kena penyakit sing parah lan suwé-suwé mati.+ 16  Ing perkémahan, wong-wong kuwi iri karo MusaLan iri karo Harun+ sing dipilih Yéhuwah.+ 17  Lemah mbukak, lan Datan kecemplung ing kono. Abiram+ lan balané ya kekubur ing kono. 18  Geni nyamber grombolané wong kuwi. Geni ngobong wong-wong sing jahat kuwi.+ 19  Ing Horèb, wong-wong kuwi nggawé lan nyembahPatung anak sapi sing digawé saka logam.+ 20  Wong-wong kuwi ora ngluhurké Aku,Ning malah nyembah patung sapi sing mangan suket.+ 21  Wong-wong kuwi lali karo Gusti Allah+ sing nylametké wong-wong kuwi,Sing wis nggawé mukjijat sing luar biasa ing Mesir,+ 22  Mukjijat sing luar biasa ing tanah Ham,+Lan tumindak sing luar biasa ing Laut Merah.+ 23  Dhèwèké wis arep matèni wong-wong kuwi,Ning Musa sing dipilih Gusti Allah ndonga kanggo wong-wong kuwi,Bèn Gusti Allah ora nesu lan ora matèni wong-wong kuwi.+ 24  Wong-wong kuwi ngrèmèhké tanah sing apik kuwi+Lan ora nduwé iman marang janjiné Gusti Allah.+ 25  Wong-wong kuwi terus sambat ing njero kémahé+Lan ora ngrungokké omongané Yéhuwah.+ 26  Mula, Gusti Allah nggawé sumpahNèk Dhèwèké bakal matèni wong-wong kuwi ing padhang belantara.+ 27  Dhèwèké bakal nggawé keturunané wong-wong kuwi dipatèni bangsa-bangsa liyaLan kocar-kacir ing negara liya.+ 28  Wong-wong kuwi mèlu-mèlu nyembah Baal Péor+Lan mangan persembahan kanggo wong mati. 29  Tumindaké wong-wong kuwi nggawé Gusti Allah nesu.+ Akhiré wong-wong kuwi kena wabah penyakit.+ 30  Ning wektu Pinéhas tumindak,Wong-wong ora kena wabah penyakit manèh.+ 31  Gusti Allah nganggep dhèwèké wong sing benerNganti saklawasé.+ 32  Wong-wong kuwi nggawé Gusti Allah nesu ing Mata Air Mériba,*Lan merga wong-wong kuwi, Musa kena masalah.+ 33  Wong-wong kuwi nggawé Musa nesu banget,Lan akhiré Musa ngomong tanpa dipikir.+ 34  Wong-wong kuwi ora matèni wong-wong saka bangsa liya+Kaya sing dipréntahké Yéhuwah,+ 35  Ning malah kekancan karo wong-wong saka bangsa kuwi+Lan niru tumindaké.+ 36  Wong-wong kuwi terus nyembah brahalané bangsa-bangsa liya,+Lan kuwi marakké wong-wong kuwi cilaka.+ 37  Anak-anaké lanang lan wédokDidadèkké persembahan kanggo roh jahat.+ 38  Wong-wong sing ora salah dipatèni,+Yaiku anak-anaké dhéwéSing dikorbanké kanggo brahalané Kanaan.+ Tanah kuwi dadi najis merga ing kono akèh wong sing dipatèni. 39  Wong-wong kuwi dadi najis merga tumindaké dhéwé. Wong-wong kuwi nyembah allah-allah liya.+ 40  Mula Yéhuwah nesu bangetLan sengit karo umaté.* 41  Dhèwèké bola-bali nggawé umaté dikalahké bangsa-bangsa+Lan dikuwasani wong-wong sing sengit karo umaté.+ 42  Wong-wong kuwi ditindhesLan dikalahké mungsuh-mungsuhé. 43  Senajan wis dislametké ping bola-bali karo Gusti Allah,+Wong-wong kuwi tetep waé mbrontak lan ora manut.+ Mula wong-wong kuwi direndhahké merga kesalahané.+ 44  Ning Gusti Allah ndelok pas wong-wong kuwi lagi susah+Lan gelem ngrungokké wektu wong-wong kuwi njaluk tulung.+ 45  Gusti Allah éling perjanjiané karo umaté. Dhèwèké ngrasa mesakké* merga sayang banget karo* wong-wong kuwi.+ 46  Dhèwèké nggawé mungsuh sing nawan wong-wong kuwi+Dadi mesakké karo wong-wong kuwi. 47  Oh Yéhuwah Gusti Allahku, tulung slametna aku,+Kumpulna umat-Mu manèh,+Bèn umat-Mu isa ngucap syukur kanggo jeneng-Mu sing suciLan ngrasa seneng wektu muji Njenengan.+ 48  Muga-muga Yéhuwah Gusti Allahé Israèl dipujiNganti saklawasé.*+ Muga-muga kabèh wong njawab, ”Amin.”* Pujinen Yah.*

Katrangan Tambahan

Utawa ”Haléluyah!” ”Yah” kuwi singkatan saka jeneng Yéhuwah.
Utawa ”Katresnané sing langgeng”. Deloken Daftar Istilah.
Utawa ”isa ngluhurké”.
Lit.: ”warisan-Mu”.
Utawa ”ora paham karo”.
Utawa ”katresnan-Mu sing langgeng”. Deloken Daftar Istilah.
Lit.: ”nggetak”.
Utawa ”padhang belantara”.
Artiné ”Padu”.
Lit.: ”warisané”.
Utawa ”gela”.
Utawa ”merga nduwé katresnan sing langgeng sing gedhé banget marang”. Deloken Daftar Istilah.
Utawa ”Saka saklawasé nganti saklawasé”.
Utawa ”Dadia kaya ngono”.
Utawa ”Haléluyah!” ”Yah” kuwi singkatan saka jeneng Yéhuwah.