Mazmur 115:1-18

  • Kemuliaan mung diwènèhké marang Gusti Allah

    • Patung sing ora ana nyawané (4-8)

    • Bumi diwènèhké marang manungsa (16)

    • ”Wong sing wis mati ora isa muji Yah” (17)

115  Oh Yéhuwah, merga katresnan* lan kesetiaan-Mu,+Mung jeneng-Mu sing pantes dimulyakké,+Dudu aku.   Aja nganti bangsa-bangsa takon,”Endi Gusti Allahé wong-wong kuwi?”+   Gusti Allahku ana ing swarga. Dhèwèké nindakké apa waé sing disenengi.   Patung allahé bangsa-bangsa kuwi saka emas lan pérak,Sing digawé manungsa.+   Patung kuwi nduwé cangkem tapi ora isa ngomong,+Nduwé mata tapi ora isa ndelok,   Nduwé kuping tapi ora isa ngrungokké,Nduwé irung tapi ora isa ngambu,   Nduwé tangan tapi ora isa nyekel,Nduwé sikil tapi ora isa mlaku,+Lan nduwé tenggorokan tapi ora isa ngetokké swara.+   Wong sing nggawé patung kuwi lan sing percaya karo patung kuwi+Bakal ngalami kaya ngono.+   Hé bangsa Israèl, kowé kudu percaya marang Yéhuwah,+Merga Dhèwèké sing dadi tamèngmu lan sing nulungi kowé.+ 10  Hé keturunané Harun,+ kowé kudu percaya marang Yéhuwah,Merga Dhèwèké sing dadi tamèngmu lan sing nulungi kowé. 11  Hé kowé sing wedi marang* Yéhuwah, kowé kudu percaya marang Yéhuwah,+Merga Dhèwèké sing dadi tamèngmu lan sing nulungi kowé.+ 12  Yéhuwah kèlingan karo awaké dhéwé lan bakal mberkahi awaké dhéwé. Dhèwèké bakal mberkahi keturunané Israèl.+ Dhèwèké bakal mberkahi keturunané Harun. 13  Dhèwèké bakal mberkahi wong sing wedi marang* Yéhuwah,Sing enom lan sing tuwa.* 14  Yéhuwah bakal nggawé jumlahmu dadi saya akèh,Jumlahmu lan jumlahé anak-anakmu.*+ 15  Muga-muga kowé diberkahi Yéhuwah+Sing nggawé langit lan bumi.+ 16  Langit kuwi duwèké Yéhuwah,+Lan bumi wis diwènèhké marang manungsa.+ 17  Wong sing wis mati ora isa muji Yah+Wong sing wis mati ora isa ngomong apa-apa.+ 18  Tapi aku bakal muji YahSaka saiki nganti saklawasé. Pujinen Yah.*

Katrangan Tambahan

Utawa ”katresnan sing langgeng”. Deloken Daftar Istilah.
Utawa ”Sing cilik lan sing gedhé”.
Lit.: ”anak-anakmu lanang”.
Utawa ”Haléluyah!” ”Yah” kuwi singkatan saka jeneng Yéhuwah.