Mazmur 104:1-35

  • Muji Gusti Allah merga ciptaané luar biasa

    • Bumi tetep ana saklawasé (5)

    • Anggur lan roti kanggo manungsa (15)

    • ”Ciptaan-Mu kuwi akèh banget” (24)

    • Nèk napasé dijupuk, kabèh padha mati (29)

104  Aku arep muji Yéhuwah.+ Oh Yéhuwah Gusti Allahku, Njenengan kuwi agung.+ Keagungan lan kemuliaan dadi kaya klambi-Mu.+   Cahaya+ ana ing sekitar-Mu kaya klambi. Njenengan nggawé langit kaya nggelar kain kémah.+   Njenengan mbangun panggonan-Mu ing ndhuwuré méga.+ Njenengan mlaku ing ndhuwuré angin+Lan numpak méga kaya numpak kréta.+   Njenengan nggawé para malaékat-Mu dadi kuwat*Lan nggawé para abdi-Mu kaya geni sing ngobong.+   Njenengan nggawé bumi tetep ana ing panggonané+Lan saklawasé ora bakal pindhah saka panggonané.*+   Banyu nutupi gunung-gunung. Njenengan nutupi bumi nganggo banyu sing jero kaya mbok anggoni klambi.+   Wektu mbok senèni, banyuné surut.+ Wektu krungu bledhèg-Mu, banyuné ngalir deres banget,   Ngalir ing panggonan sing wis mbok tentokké. Hasilé, gunung-gunung munggah+ lan lembah-lembah mudhun.   Njenengan nggawé batas sing ora éntuk diliwati,+Bèn banyu ora nganti nutupi bumi manèh. 10  Njenengan nggawé lembah-lembah* metu mata airé,Terus banyuné mili ing antarané gunung-gunung. 11  Banyu kuwi isa diombé kéwan liar ing padhang belantaraLan diombé keledai liar sing ngelak. 12  Manuk nggawé sarang ing wit sing ana ing cedhaké banyu kuwi. Manuk-manuk kuwi ngocèh ing godhong-godhong sing rimbun. 13  Njenengan nyiram gunung-gunung saka panggonan-Mu.+ Kabèh hasil karya-Mu ngebaki bumi.+ 14  Njenengan nggawé suket thukul bèn isa dipangan ternakLan nggawé tanduran kanggo manungsa,+Supaya tanah ngasilké panganan, 15  Lan anggur sing marakké atiné manungsa dadi seneng,+Minyak sing nggawé wajah dadi alus,Lan roti sing mènèhi tenaga kanggo manungsa.+ 16  Wit-wité Yéhuwah éntuk banyu sing akèh,Yaiku wit aras sing ditandur ing Lébanon. 17  Manuk-manuk nggawé sarang ing wit kuwi. Manuk bangau+ manggon ing wit juniper. 18  Gunung sing dhuwur dadi panggonané kambing gunung.+ Tebing dadi panggonané hiraks* berlindung.+ 19  Njenengan nggawé bulan bèn dadi pathokané wektu. Matahari ngerti kapan wektuné terbenam.+ 20  Njenengan nggawé dina saya peteng lan akhiré dadi bengi,+Lan wektu kuwi kéwan-kéwan liar ing hutan padha metu. 21  Singa enom* ngetokké swarané kanggo nggolèk mangsa+Lan nggolèk panganan sing disedhiakké Gusti Allah.+ 22  Pas matahari terbit,Singa-singa kuwi mulih lan turu ing panggonané. 23  Manungsa mangkat kerjaLan kerja nganti bengi. 24  Oh Yéhuwah, ciptaan-Mu kuwi akèh banget.+ Njenengan nggawé kuwi kabèh nganggo kawicaksanan.*+ Kabèh hasil karya-Mu ngebaki bumi. 25  Laut kuwi gedhé banget lan amba. Ing kono ana akèh banget makhluk hidup sing cilik lan gedhé.+ 26  Kapal-kapal padha berlayar ing kono. Lèwiatan*+ sing mbok gawé ya dolanan ing kono. 27  Kabèh padha ngentèni NjenenganSing mènèhi pangan pas wektuné.+ 28  Kabèh padha mangan panganan sing mbok wènèhké.+ Kabèh padha seneng merga Njenengan nyedhiakké apa sing apik.*+ 29  Kabèh padha bingung nèk Njenengan ora perduli.* Nèk Njenengan njupuk napasé, kabèh padha mati lan dadi debu.+ 30  Nèk Njenengan mènèhi roh suci-Mu, kabèh dadi ana,+Lan kabèh sing ana ing bumi dadi anyar. 31  Kemuliaané Yéhuwah bakal ana nganti saklawasé. Yéhuwah bakal seneng karo hasil karyané.+ 32  Bumi dadi goncang merga mbok delok. Gunung metu asapé merga mbok demèk.+ 33  Aku bakal nyanyi kanggo Yéhuwah+ sakjegé uripku. Aku bakal nyanyi lagu pujian* kanggo Gusti Allahku saksuwéné uripku.+ 34  Muga-muga apa sing tak pikirké nyenengké Njenengan.* Aku bakal ngrasa seneng merga Yéhuwah. 35  Wong sing nindakké dosa bakal disingkirké saka bumi,Lan wong jahat ora bakal ana manèh.+ Aku arep muji Yéhuwah. Pujinen Yah.*

Katrangan Tambahan

Utawa ”dadi kaya angin”.
Utawa ”ora bakal goncang”.
Lit.: ”wadi-wadi”.
Kéwan kaya marmut sing gedhé, ora nduwé buntut, lan manggon ing tebing watu.
Utawa ”Singa enom sing rambuté dawa”.
Lit.: ”Njenengan mbukak tangan-Mu”.
Lit.: ”Njenengan ndhelikké wajahé Njenengan”.
Utawa ”main musik”.
Utawa mungkin ”Muga-muga sing tak pikirké soal Njenengan kuwi nyenengké”.
Utawa ”Haléluyah!” ”Yah” kuwi singkatan saka jeneng Yéhuwah.