Mazmur 84:1-12
Kanggo pemimpin musik: Soal Gitit.* Lagu sing digawé keturunané Korah.+
84 Oh Yéhuwah pemimpiné pasukan,Aku seneng banget karo panggonan-Mu.*+
2 Aku kangen banget karo halaman omahé Yéhuwah.+
Saking kangené, aku nganti lemes banget.
Sak tulusé atiku lan nganggo kabèh kekuwatanku,Aku sorak-sorak lan muji Gusti Allah sing urip.
3 Manuk waé isa nduwé omah ing kono,Lan manuk walèt nduwé sarangSing dienggo ngopèni anak-anakéIng cedhaké mézbah-Mu sing luar biasa, oh Yéhuwah pemimpiné pasukan,Raja lan Gusti Allahku.
4 Wong sing manggon ing omah-Mu kuwi bahagia.+
Wong kuwi terus-terusan muji Njenengan.+ (Sela)
5 Wong sing éntuk kekuwatan saka Njenengan+Lan sing péngin banget mara ing omah-Mu kuwi bahagia.
6 Wektu liwat Lembah Baka,*Wong kuwi nganggep panggonan kuwi kaya sumber mata air.
Udan sing pertama nggawa akèh berkah ing tanah kuwi.
7 Wong kuwi mlaku terus lan dadi saya kuwat.+
Wong kuwi ngadhep Gusti Allah ing Zion.
8 Oh Yéhuwah Gusti Allah pemimpiné pasukan, rungokna dongaku.
Oh Gusti Allahé Yakub, tulung rungokna. (Sela)
9 Gusti Allahku lan tamèngku,*+Duduhna nèk Njenengan seneng karo wong sing mbok lantik.+
10 Sedina ing halaman omah-Mu kuwi luwih apik timbang sèwu dina ing panggonan liya.+
Aku luwih seneng ngadeg ing lawang omahé Gusti AllahTimbang manggon ing kémahé wong jahat.
11 Gusti Allah Yéhuwah kuwi kaya matahari+ lan tamèng.+
Dhèwèké apikan karo wong sing setya+Lan nggawé wong kuwi dimulyakké.
Yéhuwah mesthi mènèhi apa sing apik marang wong kuwi.
12 Oh Yéhuwah pemimpiné pasukan,Wong sing percaya marang Njenengan kuwi bahagia.+
Cathetan Ngisor
^ Deloken Daftar Istilah.
^ Utawa ”tabernakel-Mu”.
^ Utawa ”lembah sing akèh semak sing disebut baka”.
^ Utawa mungkin, ”Oh Gusti Allah, deloken tamèngku”.
