Mazmur 91:1-16
91 Wong sing manggon ing panggonan sing aman* duwèké Gusti Allah sing Mahaluhur+Bakal dilindhungi Gusti Allah sing Mahakuwasa.+
2 Aku bakal ngomong karo Yéhuwah, ”Gusti Allahku sing tak percaya,+Njenengan kuwi panggonanku berlindung lan bèntèngku.”+
3 Gusti Allah bakal nylametké kowé saka jebakan tukang nangkep manukLan saka wabah penyakit sing nyebabké mati.
4 Ujung sayapé bakal nglindhungi kowé,Lan kowé bakal berlindung ing ngisor sayapé.+
Kesetiaané+ kaya tamèng sing gedhé+ lan témbok sing kuwat.
5 Pas bengi,+ kowé ora bakal wedi wektu ana bahaya.
Pas awan,+ kowé ora bakal wedi kena panah.
6 Pas bengi, kowé ora bakal wedi kena wabah penyakit.
Pas awan, kowé ora bakal wedi mati merga ana wabah penyakit.
7 Senajan ana wong sèwu sing mati ing cedhakmuLan ana sepuluh èwu sing mati ing sebelah tengenmu,Kowé ora bakal ngalami kaya ngono.+
8 Kowé mung bakal ndelok thok,Kaya kowé ndelok wong jahat dihukum.
9 Merga kowé ngomong, ”Yéhuwah kuwi panggonanku berlindung,”
Kowé nganggep Gusti Allah sing Mahaluhur kuwi kaya panggonan sing aman.+
10 Kowé ora bakal kena bencana,+Lan wong-wong sing ana ing kémahmu ora bakal kena wabah penyakit.
11 Dhèwèké bakal ngongkon malaékat-malaékaté+Kanggo nglindhungi kowé ing endi waé kowé lunga.+
12 Para malaékaté bakal nampani kowé nganggo tangané+Bèn sikilmu ora kena watu.+
13 Kowé bakal ngidak singa enom lan ula kobra.
Kowé bakal ngidak singa lan ula sing gedhé.+
14 Gusti Allah ngomong, ”Aku bakal nylametké dhèwèké+ merga dhèwèké sayang karo Aku.
Aku bakal nglindhungi dhèwèké merga dhèwèké kenal* jeneng-Ku.+
15 Dhèwèké bakal njaluk tulung karo Aku, lan Aku bakal nulungi.+
Aku bakal mbantu dhèwèké wektu dhèwèké ngalami kesusahan.+
Aku bakal nylametké dhèwèké lan nggawé dhèwèké diajèni.
16 Aku bakal nggawé umuré dawa,+Lan Aku bakal nggawé dhèwèké ngerti nèk Aku sing nylametké dhèwèké.”+
