Mazmur 3:1-8
Lagu sing digawé Daud wektu dhèwèké mlayu saka Absalom anaké.+
3 Oh Yéhuwah, ngapa kok mungsuhku dadi akèh banget?+
Ngapa kok ana akèh banget sing nglawan aku?+
2 Akèh sing ngomong soal aku,”Gusti Allah ora bakal nylametké dhèwèké.”+ (Sela)*
3 Ning Yéhuwah, Njenengan kaya tamèng sing nglindhungi aku.+
Njenengan nggawé aku diajèni+ lan nggawé aku kendel.+
4 Aku bakal njaluk tulung karo Yéhuwah,Lan Dhèwèké bakal njawab aku saka gunungé sing suci.+ (Sela)
5 Aku bakal turonan lan turu.
Pas tangi, aku bakal ngrasa tenang,Merga Yéhuwah terus mbantu aku.+
6 Aku ora wedi karo wong sing jumlahé puluhan èwu,Sing ngepung aku saka endi-endi.+
7 Oh Yéhuwah, tulung bantu aku. Oh Gusti Allahku, tulung slametna aku,+Merga Njenengan sing bakal ngantem* wajahé mungsuhkuLan Njenengan sing bakal ngremuk untuné wong jahat.+
8 Oh Yéhuwah, mung Njenengan sing isa nylametké.+
Njenengan mesthi bakal mberkahi umat-Mu. (Sela)
