Mazmur 96:1-13
96 Ayo nyanyi lagu anyar kanggo Yéhuwah.+
Hé kabèh wong ing bumi, ayo nyanyi kanggo Yéhuwah.+
2 Ayo nyanyi kanggo Yéhuwah. Ayo muji jenengé.
Saben dina, umumna kabar apik soal tumindaké Dhèwèké wektu nylametké manungsa.+
3 Critakna soal kemuliaané ing antarané bangsa-bangsaLan soal tumindaké sing luar biasa ing antarané kabèh suku bangsa.+
4 Yéhuwah kuwi agung lan pantes dipuji.
Dhèwèké luwih hébat timbang allah-allah liyané.
5 Kabèh allahé bangsa-bangsa ora ana gunané,+Ning Yéhuwah kuwi sing nggawé langit.+
6 Dhèwèké mulya lan hébat.+
Panggonané sing suci kuwi apik banget, lan kekuwatané Gusti Allah ana ing kono.+
7 Hé kowé suku-suku bangsa, luhurna Yéhuwah.
Pujinen Yéhuwah merga kemuliaan lan kekuwatané.+
8 Luhurna Yéhuwah merga jenengé.+
Kowé kudu nggawa hadiah lan mlebu ing halamané.
9 Kowé kudu sujud marang* Yéhuwah nganggo klambi sing suci.
Hé kabèh wong ing bumi, kowé kudu wedi marang* Dhèwèké.
10 Umumna ing antarané bangsa-bangsa, ”Yéhuwah wis dadi raja.+
Bumi tetep ana ing panggonané lan ora isa digoncangké.
Dhèwèké bakal adil wektu ngadili* manungsa.”+
11 Muga-muga langit lan bumi ngrasa seneng.
Muga-muga laut sak isiné padha sorak-sorak merga seneng.+
12 Muga-muga padhang rumput lan kabèh sing ana ing kono ngrasa seneng.+
Muga-muga wit sing ana ing hutan ya sorak-sorak merga seneng ing ngarepé Yéhuwah,+
13 Merga Dhèwèké teka*Kanggo ngadili bumi.
Dhèwèké bakal adil wektu ngadili wong-wong ing bumi.+
Dhèwèké setya wektu ngadili bangsa-bangsa.+
Cathetan Ngisor
^ Utawa ”kudu nyembah”.
^ Deloken Daftar Istilah.
^ Utawa ”mbéla”.
^ Utawa ”wis teka”.
