Mazmur 16:1-11

  • Yéhuwah kuwi Sumberé kabèh sing apik

    • ”Yéhuwah sing nyedhiakké kabèh sing tak tampa” (5)

    • ”Pas bengi, atiku ngélingké aku” (7)

    • ’Yéhuwah ana ing sebelah tengenku’ (8)

    • ”Njenengan ora bakal ninggalké aku ing Kuburan” (10)

Miktam* sing digawé Daud. 16  Oh Gusti Allah, tulung lindhungi aku merga aku nggolèk perlindungan marang Njenengan.+   Aku kandha karo Yéhuwah, ”Yéhuwah, kabèh sing apik ing uripku asalé saka Njenengan.   Wong-wong suci ing bumi,Yaiku wong-wong sing pantes diajèni, nggawé aku seneng.”+   Wong sing péngin ngabdi marang allah-allah liya uripé malah tambah susah.+ Aku ora bakal mènèhké getih dadi persembahan minuman,Lan aku ora bakal nyebut jenengé allah-allah kuwi.+   Yéhuwah sing nyedhiakké kabèh sing tak tampa,*+ lan Dhèwèké kaya gelas+ sing isa tak enggo ngombé nganti puas. Njenengan njaga warisanku.   Njenengan wis nentokké panggonan sing apik kanggo aku. Aku puas karo warisanku.+   Aku bakal muji Yéhuwah sing wis mènèhi aku naséhat.+ Pas bengi, atiku* ngélingké aku.+   Aku terus mikirké Yéhuwah.*+ Aku ora bakal kuwatir,+ merga Dhèwèké ana ing sebelah tengenku.   Mula, atiku seneng lan aku* bahagia banget. Aku ya ngrasa aman. 10  Njenengan ora bakal ninggalké aku ing Kuburan.*+ Njenengan ora bakal ngéntukké abdi-Mu sing setya ndelok lubang kubur.+ 11  Njenengan ngandhani aku bèn aku isa nindakké préntah-Mu.+ Aku bahagia merga ana ing cedhak-Mu.+ Aku bahagia nganti saklawasé merga ana ing sebelah tengen-Mu.

Katrangan Tambahan

Utawa ”Yéhuwah kuwi bagéanku”.
Utawa ”perasaanku sing paling jero”. Lit.: ”ginjalku”.
Lit.: ”Aku terus ndelok Yéhuwah ing ngarepku”.
Lit.: ”lan kemuliaanku”.
Utawa ”Syéol”. Deloken Daftar Istilah.