Mazmur 147:1-20
147 Pujinen Yah.*
Nyanyi lagu pujian* kanggo Gusti Allah kuwi apik.
Wis sakmesthiné awaké dhéwé muji Dhèwèké, merga kuwi nyenengké.+
2 Yéhuwah lagi mbangun Yérusalèm.+
Dhèwèké ngumpulké manèh wong Israèl sing kesebar ing endi-endi.+
3 Dhèwèké nambani wong sing lara ati.
Luka-lukané wong kuwi diperban.
4 Dhèwèké ngerti jumlahé bintang.
Dhèwèké ngundang bintang-bintang kuwi nganggo jenengé dhéwé-dhéwé.+
5 Gustiné awaké dhéwé kuwi hébat lan kuwat banget.+
Pemahamané ora ana batasé.+
6 Yéhuwah mbantu lan ngunggulké wong sing rendah hati,+Ning ngrendhahké wong sing jahat.
7 Ayo nyanyi kanggo Yéhuwah lan ngucap syukur.
Ayo nyanyi lagu pujian kanggo Gusti Allah nganggo iringan harpa.
8 Gusti Allah nutupi langit nganggo méga.
Dhèwèké mènèhi udan kanggo bumi+Lan nggawé suket thukul+ ing gunung.
9 Dhèwèké mènèhi pangan kéwan-kéwan+Lan mènèhi pangan anaké manuk gagak sing padha njaluk mangan.+
10 Kanggoné Dhèwèké, kekuwatané jaran ora ana apa-apané.+
Kanggoné Dhèwèké, kekuwatané* wong lanang ya ora ana apa-apané.+
11 Yéhuwah seneng karo wong sing wedi marang* Dhèwèké,+Sing berharap marang katresnané.*+
12 Oh Yérusalèm, mulyakna Yéhuwah.
Oh Zion, pujinen Gusti Allah.
13 Dhèwèké nggawé palang-palang gerbangmu dadi kuwat.
Dhèwèké mberkahi anak-anakmu lanang.
14 Dhèwèké nggawé wilayahmu tentrem.+
Dhèwèké mènèhi kowé gandum sing paling apik* nganti kowé puas.+
15 Dhèwèké mènèhi préntah marang bumi.
Omongané cepet banget tekan bumi.
16 Dhèwèké nutupi bumi nganggo salju kaya kemul putih.+
Dhèwèké nyebar salju kaya nyebar awu.+
17 Dhèwèké nggawé udan ès mudhun kaya nyebar remukan roti,+Sapa sing isa tahan karo adhemé?+
18 Wektu Dhèwèké mènèhi préntah, ès kuwi dadi cair.
Dhèwèké nggawé banyu mili merga kena angin.+
19 Dhèwèké nyampèkké omongané marang Yakub.
Dhèwèké nyampèkké peraturan lan hukumé marang Israèl.+
20 Dhèwèké ora nindakké kuwi marang bangsa-bangsa liya.+
Bangsa-bangsa kuwi ora ngerti apa-apa soal hukumé.
Pujinen Yah.*+
Cathetan Ngisor
^ Utawa ”Haléluyah!” ”Yah” kuwi singkatan saka jeneng Yéhuwah.
^ Utawa ”Main musik”.
^ Lit.: ”sikilé”.
^ Deloken Daftar Istilah.
^ Utawa ”katresnané sing langgeng”. Deloken Daftar Istilah.
^ Lit.: ”gajihé gandum”.
^ Utawa ”Haléluyah!” ”Yah” kuwi singkatan saka jeneng Yéhuwah.
