Mazmur 107:1-43

  • Ngucap syukur marang Gusti Allah merga tumindaké sing luar biasa

    • Dhèwèké nuntun wong-wong kuwi ing dalan sing bener (7)

    • Dhèwèké mènèhi ngombé lan pangan (9)

    • Dhèwèké ngetokké wong kuwi saka panggonan sing peteng (14)

    • Dhèwèké ngomong lan keadaané wong kuwi dadi apik (20)

    • Dhèwèké nglindhungi wong mlarat bèn ora ditindhes (41)

(Mazmur 107-150) 107  Ucapna syukur marang Yéhuwah merga Dhèwèké apikan.+ Katresnané* ana saklawasé.+   Muga-muga wong-wong sing dibébaské* Yéhuwah ngomong kaya ngono,Yaiku wong-wong sing wis dibébaské saka mungsuh,+   Sing dikumpulké saka negara ngendi waé,+Saka wétan nganti kulon,*Saka lor nganti kidul.+   Wong-wong kuwi dadi pengembara ing padhang belantara, ing padhang pasir. Wong-wong kuwi ora nemokké dalan menyang kutha sing isa dienggoni.   Wong-wong kuwi ngelih,* ngelak,Lan semaput merga kekeselen.   Wong-wong kuwi terus njaluk tulung marang Yéhuwah wektu susah,+Lan Dhèwèké nylametké saka kesusahané.+   Dhèwèké nuntun wong-wong kuwi ing dalan sing bener+Menyang kutha sing isa dienggoni.+   Muga-muga wong-wong padha ngucap syukur marang Yéhuwah+ merga katresnané*Lan merga tumindaké sing luar biasa kanggo manungsa.+   Dhèwèké mènèhi ngombé wong sing ngelakLan mènèhi apa sing apik+ marang wong sing ngelih.* 10  Ana wong-wong sing manggon ing panggonan sing peteng banget. Wong-wong kuwi tahanan sing sengsara merga diranté. 11  Wong kuwi mbrontak nglawan préntahé Gusti AllahLan ora ngajèni naséhaté Gusti Allah sing Mahaluhur.+ 12  Gusti Allah meneng waé wektu wong kuwi ngalami kesusahan bèn wong kuwi rendah hati.+ Wong kuwi tiba lan ora ana sing nulungi. 13  Wong kuwi njaluk tulung marang Yéhuwah wektu susah,Lan Dhèwèké nylametké saka kesusahané. 14  Dhèwèké ngetokké wong kuwi saka panggonan sing peteng banget Lan medhot ranténé.+ 15  Muga-muga wong-wong padha ngucap syukur marang Yéhuwah merga katresnané*+Lan merga tumindaké sing luar biasa kanggo manungsa. 16  Dhèwèké ngrusak lawang-lawang tembagaLan nugel palang wesi.+ 17  Wong sing bodho ngalami kesusahan+Akibat kesalahan lan pelanggarané dhéwé.+ 18  Wong kuwi ora doyan manganLan mèh mati.* 19  Wong kuwi bakal njaluk tulung marang Yéhuwah wektu susah,Lan Dhèwèké bakal nylametké saka kesusahané. 20  Pas Gusti Allah ngomong, keadaané wong kuwi dadi apik kaya mbiyèn manèh.+ Wong kuwi dislametké bèn ora mati. 21  Muga-muga wong-wong padha ngucap syukur marang Yéhuwah merga katresnané*Lan merga tumindaké sing luar biasa kanggo manungsa. 22  Muga-muga wong-wong kuwi mènèhi persembahan yaiku ucapan syukur+Lan nyritakké tumindaké Gusti Allah karo sorak-sorak. 23  Kabèh wong sing numpak kapal ing laut,Yaiku wong-wong sing dagang ing laut,+ 24  Wong-wong kuwi wis ndelok tumindaké YéhuwahLan ciptaané Gusti Allah sing ana ing laut.+ 25  Merga préntahé Gusti Allah, ana badai+Lan ombaké laut dadigedhé. 26  Ombak nggawé kapalé wong-wong kuwiMunggah mudhun ing laut. Wong-wong kuwi dadi wedi merga ana bencana sing ngancam. 27  Wong-wong kuwi sempoyongan kaya wong mabuk,Lan kemampuané wong-wong kuwi dadi ora ana gunané.+ 28  Akhiré wong-wong kuwi njaluk tulung marang Yéhuwah wektu susah,+Lan Dhèwèké nylametké saka kesusahané. 29  Gusti Allah nggawé badai kuwi mandheg. Ombaké laut dadi tenang.+ 30  Wong-wong kuwi seneng merga lauté dadi tenang,Lan Gusti Allah nuntun wong-wong kuwi ing pelabuhan sing arep diparani. 31  Muga-muga wong-wong padha ngucap syukur marang Yéhuwah merga katresnané*Lan merga tumindaké sing luar biasa kanggo manungsa.+ 32  Muga-muga wong-wong kuwi ngluhurké Dhèwèké ing jemaat+Lan muji Dhèwèké ing antarané para pemimpin sing padha ngumpul. 33  Dhèwèké nggawé kali dadi padhang pasir,Nggawé mata air dadi lemah sing gersang,+ 34  Lan nggawé lemah sing subur dadi ora subur manèh+Merga wong-wong sing manggon ing kono jahat. 35  Dhèwèké nggawé padhang pasir dadi kolamLan lemah sing garing dadi mata air.+ 36  Dhèwèké nggawé wong-wong sing kelaparan manggon ing kono+Bèn isa mbangun kutha sing isa dienggoni.+ 37  Wong-wong kuwi nduwé ladhang lan kebon anggur+Sing hasil panèné akèh.+ 38  Wong-wong kuwi diberkahi Gusti Allah lan jumlahé dadi saya akèh. Dhèwèké nggawé ternaké wong-wong kuwi dadi saya akèh.+ 39  Ning, wong-wong kuwi direndhahké lan jumlahé dadi luwih sithik manèhMerga ditindhes, kena bencana, lan ngalami kesusahan. 40  Gusti Allah ngrendhahké para pejabatLan nggawé wong-wong kuwi kesasar ing padhang pasir.+ 41  Ning, Dhèwèké nglindhungi wong mlarat bèn ora ditindhes+Lan nggawé keluargané dadi akèh kaya jumlahé ternak. 42  Wektu ndelok kuwi, wong sing bener ngrasa seneng.+ Ning, wong sing ora bener mung meneng waé.+ 43  Wong sing wicaksana bakal nggatèkké tenanan kabèh iki+Lan mikirké tenanan katresnané* Yéhuwah.+

Katrangan Tambahan

Utawa ”Katresnané sing langgeng”. Deloken Daftar Istilah.
Utawa ”dituku manèh karo”.
Utawa ”Saka matahari terbit nganti matahari terbenam”.
Utawa ”luwé”.
Utawa ”katresnané sing langgeng”. Deloken Daftar Istilah.
Utawa ”luwé”.
Utawa ”katresnané sing langgeng”. Deloken Daftar Istilah.
Lit.: ”nyedhaki gerbang kematian”.
Utawa ”katresnané sing langgeng”. Deloken Daftar Istilah.
Utawa ”katresnané sing langgeng”. Deloken Daftar Istilah.
Utawa ”katresnan sing langgeng saka”. Deloken Daftar Istilah.