Mazmur 51:1-19

  • Dongané wong sing mertobat

    • Wis dosa kèt ana ing njero wetengé ibu (5)

    • ”Tulung singkirna dosaku” (7)

    • ”Bantu aku bèn nduwé kepénginan sing bener” (10)

    • Wong sing ngrasa gela nyenengké kanggoné Gusti Allah (17)

Kanggo pemimpin musik. Lagu sing digawé Daud sakwisé Natan nemoni Daud merga Daud wis nindakké hubungan sèks karo Bat-syéba.+ 51  Oh Gusti Allah, tulung mesakké aku merga Njenengan sayang karo aku.*+ Tulung dosaku diapura merga Njenengan nduwé rasa mesakké.+   Tulung kesalahanku dihapus,+Lan tulung dosaku disingkirké.+   Aku ngakoni kesalahanku,Lan aku terus kepikiran karo dosaku.*+   Aku wis bener-bener dosa marang Njenengan.+ Aku wis nindakké sing ora bener kanggoné Njenengan.+ Mula nèk Njenengan ngomong, omongané Njenengan bener,Lan Njenengan adil wektu ngadili.+   Aku wis nduwé kesalahan pas aku dilairké,Lan aku wis dosa kèt aku ana ing njero wetengé ibuku.+   Njenengan seneng karo wong sing atiné tulus.+ Tulung ajari aku bèn dadi wicaksana.   Tulung singkirna dosaku,* bèn aku dadi resik.+ Resikana aku, bèn aku dadi luwih putih timbang salju.+   Muga-muga aku krungu swara sorak-sorak merga seneng,Bèn aku isa ngrasa bahagia+ senajan Njenengan ngremuk balung-balungku.   Tulung dosaku diapura,*+Lan tulung kesalahanku diapura.*+ 10  Oh Gusti Allah, bantu aku bèn nduwé kepénginan sing bener,*+Lan wènèhana aku pikiran sing bener+ bèn aku isa tetep setya. 11  Aja ngusir aku saka ngarep-Mu. Aja njupuk roh suci-Mu saka aku. 12  Gawénen aku bèn ngrasa seneng manèh, kaya sing tak rasakké wektu Njenengan nylametké aku.+ Gawénen aku bèn péngin manut karo Njenengan. 13  Pathokan-Mu bakal tak ajarké marang wong-wong sing nggawé kesalahan,+Bèn wong-wong sing dosa kuwi mertobat lan bali marang Njenengan. 14  Oh Gusti Allah, Njenengan sing nylametké aku.+ Aku njaluk ngapura merga wis matèni wong.+ Tulung aku diapura bèn aku* seneng nyritakké tumindak-Mu sing adil.+ 15  Oh Yéhuwah, tulung bantu aku bèn isa ngomong,Bèn aku* isa muji Njenengan.+ 16  Nèk Njenengan seneng karo persembahan, mesthi kuwi tak wènèhké marang Njenengan.+ Ning, Njenengan ora seneng karo persembahan bakaran.+ 17  Rasa salah lan rasa sedhih kuwi korban sing nggawé Njenengan seneng. Oh Gusti Allah, Njenengan ora bakal nolak*+ wong sing rendah hati lan sing ngrasa gela. 18  Tulung Njenengan apikan marang Zion. Tulung Njenengan mbangun témbok-témboké Yérusalèm. 19  Njenengan bakal seneng karo korbané wong sing bener,Korban bakaran lan persembahan sing utuh. Sakwisé kuwi, sapi-sapi bakal dikorbanké ing mézbah-Mu.+

Katrangan Tambahan

Utawa ”merga katresnan-Mu sing langgeng”. Deloken Daftar Istilah.
Lit.: ”Lan dosaku terus ana ing ngarepku”.
Lit.: ”Tulung aku digawé murni saka dosaku nganggo hisop”.
Utawa ”Dhelikna wajah-Mu saka dosaku”.
Utawa ”dihapus”.
Utawa ”wènèhana aku ati sing murni”.
Lit.: ”ilatku”.
Lit.: ”cangkemku”.
Utawa ”ora bakal ngrèmèhké”.