Mazmur 59:1-17

  • Gusti Allah kuwi tamèng lan panggonan berlindung

    • ”Aja mesakké karo pengkhianat” (5)

    • ”Aku bakal nyanyi soal kekuwatan-Mu” (16)

Kanggo pemimpin musik: Nurut lagu ”Aja Nyingkirké”. Miktam.* Lagu sing digawé Daud wektu Saul ngongkon wong ngawasi omahé Daud merga arep matèni Daud.+ 59  Oh Gusti Allahku, tulung slametna aku saka mungsuh-mungsuhku,+Tulung lindhungi aku saka wong-wong sing nyerang aku.+   Slametna aku saka wong sing tumindaké jahat,Lan slametna aku saka wong sing kejem.*   Oh Yéhuwah, wong-wong kuwi ngincer aku.+ Wong-wong sing kuwat nyerang aku,Padahal aku ora nindakké kesalahan utawa dosa.+   Senajan aku ora nindakké kesalahan, wong-wong kuwi cepet-cepet arep nyerang aku. Wektu aku njaluk tulung marang Njenengan, tulung cepet tumindak kanggo mbantu aku lan deloken sing ditindakké wong-wong kuwi.   Oh Gusti Allah Yéhuwah pemimpiné pasukan, Njenengan kuwi Gusti Allahé Israèl.+ Tulung cepet tumindak kanggo ngukum bangsa-bangsa kuwi. Aja mesakké karo pengkhianat.+ (Sela)   Saben bengi,+ wong-wong kuwi bali lan péngin nangkep aku. Wong-wong kuwi njegog kaya asu+ lan mlaku ngubengi kutha.+   Wong-wong kuwi ngomongké apa sing jahat. Omongané wong-wong kuwi kaya pedhang.+ Wong-wong kuwi kandha, ”Ora ana sing ngerti nèk awaké dhéwé ngomong kaya ngéné.”+   Ning Njenengan, oh Yéhuwah, bakal ngécé wong-wong kuwi.+ Njenengan bakal ngrèmèhké kabèh bangsa.+   Gusti Allah, Njenengan kekuwatanku, aku bakal terus berharap marang Njenengan,+Merga Njenengan kuwi panggonanku berlindung* sing aman.+ 10  Gusti Allah sing nresnani* aku bakal nulungi aku.+ Gusti Allah bakal nggawé aku ndelok mungsuh-mungsuhku kalah.+ 11  Aja matèni wong-wong kuwi sik, bèn bangsaku ora lali karo sing wis mbok tindakké. Nganggo kuwasa-Mu, gawénen wong-wong kuwi mlaku tanpa tujuan. Oh Yéhuwah, tamèngku, gawénen wong-wong kuwi ilang kekuwatané.+ 12  Wong-wong kuwi nggawé dosa liwat omongané. Muga-muga wong-wong kuwi kejebak merga sipat sombongé,+Lan merga wong-wong kuwi nyumpahi wong liya lan seneng ngapusi. 13  Singkirna wong-wong kuwi merga Njenengan nesu banget.+ Singkirna wong-wong kuwi bèn wong-wong kuwi ora ana manèh. Wong-wong kuwi kudu ngerti nèk Gusti Allah mréntah Yakub lan mréntah nganti ujung bumi.+ (Sela) 14  Bèn waé saben bengi, wong-wong kuwi bali lan péngin nangkep aku. Bèn waé wong-wong kuwi njegog kaya asu lan mlaku ngubengi kutha.+ 15  Bèn waé wong-wong kuwi mlaku wira-wiri nggolèk panganan.+ Ning, aja nganti wong-wong kuwi wareg lan éntuk panggonan kanggo nginep. 16  Ning aku, aku bakal nyanyi soal kekuwatan-Mu.+ Pas isih ésuk, aku bakal seneng nyritakké soal rasa sayang-Mu.* Pas aku susah, Njenengan dadi panggonan berlindung+Lan panggonan sing aman kanggo aku.+ 17  Oh Gusti Allah, Njenengan kuwi kekuwatanku, aku bakal nyanyi lagu pujian*+ kanggo Njenengan,Merga Njenengan kuwi panggonanku berlindung sing aman lan Gusti Allah sing nresnani* aku.+

Katrangan Tambahan

Utawa ”sing seneng matèni”.
Utawa ”panggonan dhuwur”.
Utawa ”nduduhké katresnan sing langgeng marang”. Deloken Daftar Istilah.
Utawa ”katresnan-Mu sing langgeng”. Deloken Daftar Istilah.
Utawa ”main musik”.
Utawa ”nduduhké katresnan sing langgeng marang”. Deloken Daftar Istilah.