Mazmur 29:1-11
Lagu sing digawé Daud.
29 Kowé kabèh sing kuwat banget, luhurna Yéhuwah,Pujinen Yéhuwah merga kemuliaan lan kekuwatané.+
2 Luhurna Yéhuwah merga jenengé.
Kowé kudu sujud marang* Yéhuwah nganggo klambi sing suci.
3 Swarané Yéhuwah krungu ing ndhuwur banyu.
Swarané Gusti Allah sing mulya kaya bledhèg.+
Yéhuwah ana ing ndhuwuré méga sing kandel.*+
4 Swarané Yéhuwah kuwi gedhé banget kuwasané.+
Swarané Yéhuwah kuwi luar biasa.
5 Swarané Yéhuwah nggawé wit aras tugel.
Swarané Yéhuwah nggawé wit-wit aras saka Lébanon dadi hancur.+
6 Dhèwèké nggawé Lébanon* mlumpat kaya anak sapi,Lan Sirion*+ mlumpat kaya anaké lanang banthèng.
7 Yéhuwah ngomong, lan ana kilat sing nyamber.+
8 Swarané Yéhuwah nggawé padhang belantara goncang.+
Yéhuwah nggawé padhang belantara Kadès+ goncang.
9 Swarané Yéhuwah nggawé kidang gemeter lan manak,Lan nggawé wit-wit ing hutan dadi entèk.+
Kabèh sing ana ing baité kandha, ”Gusti Allah diluhurké.”
10 Takhtané Yéhuwah ana ing ndhuwuré banyu sing akèh.*+
Yéhuwah kuwi raja lan mréntah saklawasé.+
11 Yéhuwah bakal nguwatké umaté.+
Yéhuwah bakal mberkahi umaté bèn uripé ayem.+
