Mazmur 82:1-8

  • Naséhat bèn adil wektu ngadili

    • Gusti Allah ngadili ing antarané ”allah-allah” (1)

    • ”Mbéla wong cilik” (3)

    • ”Kowé kuwi allah-allah” (6)

Lagu sing digawé Asaf.+ 82  Gusti Allah ngadeg ing antarané allah-allah.*+ Dhèwèké ngadili ing antarané allah-allah kuwi lan kandha,+  2  ”Nganti kapan kowé ora adil wektu ngadili+Lan terus mbéla wong jahat?+ (Sela)  3  Kuduné kowé mbéla* wong cilik lan bocah yatim.+ Kuduné kowé adil marang wong sing susah lan sing mlarat.+  4  Kuduné kowé nulungi wong cilik lan wong mlarat. Kuduné kowé nylametké wong-wong kuwi saka wong jahat.”  5  Allah-allah kuwi ora ngerti lan ora paham.+ Allah-allah kuwi mlaku ing petengan. Ora ana sing adil, lan ora ana sing manut karo hukum.*+  6  ”Aku wis tau kandha, ’Kowé kuwi allah-allah,*+Kowé kabèh anak-anaké Gusti Allah sing Mahaluhur.  7  Ning, kowé bakal mati kaya manungsa liyané.+ Kowé bakal mati kaya para pemimpin liyané.”+  8  Oh Gusti Allah, tulung Njenengan tumindak lan ngadili wong-wong ing bumi,+Merga kabèh bangsa kuwi duwèk-Mu.

Cathetan Ngisor

^ Utawa ”wong-wong sing kaya allah”. Maksudé, para hakim ing Israèl.
^ Utawa ”ngadili”.
^ Lit.: ”Kabèh pondhasi bumi goncang”.
^ Utawa ”wong-wong sing kaya allah”. Maksudé, para hakim ing Israèl.

Hak cipta publikasi iki