Mazmur 66:1-20

  • Tumindaké Gusti Allah luar biasa

    • ”Deloken sing ditindakké Gusti Allah” (5)

    • ”Aku bakal nepati janjiku marang Njenengan” (13)

    • Gusti Allah ngrungokké donga (18-20)

Kanggo pemimpin musik. Lagu. 66  Hé kabèh wong ing bumi,+ ayo padha sorak-sorak merga seneng lan muji Gusti Allah.   Kowé kudu nyanyi lagu pujian* kanggo jenengé sing mulya. Pujinen lan mulyakna Dhèwèké.+   Kowé kudu ngomong karo Gusti Allah, ”Tumindak-Mu luar biasa.+ Merga kuwasa-Mu sing gedhé,Mungsuh-mungsuh-Mu bakal ndredheg ing ngarep-Mu.+   Kabèh wong sing ana ing bumi bakal sujud marang Njenengan.+ Wong-wong kuwi bakal nyanyi lagu pujian kanggo Njenengan. Wong-wong kuwi bakal nyanyi lagu pujian kanggo jeneng-Mu.”+ (Sela)   Deloken sing ditindakké Gusti Allah. Tumindaké marang manungsa kuwi luar biasa.+   Dhèwèké nggawé laut dadi lemah sing garing.+ Wong-wong kuwi mlaku nyabrang kali.+ Ing kana, awaké dhéwé bakal ngrasa seneng merga Dhèwèké.+   Nganggo kekuwatané, Dhèwèké mréntah saklawasé.+ Dhèwèké terus ngawasi bangsa-bangsa.+ Wong sing ndableg ora éntuk sombong.+ (Sela)   Hé bangsa-bangsa,+ pujinen Gusti Allahku,Pujinen Dhèwèké nganggo swara sing banter.   Dhèwèké njaga aku bèn isa terus urip.+ Dhèwèké bakal nglindhungi aku bèn ora tiba.+ 10  Oh Gusti Allah, Njenengan wis nyelidiki aku.+ Njenengan wis nggawé aku dadi murni, kaya pérak sing digawé murni. 11  Njenengan nangkep aku nganggo jaring-Mu. Njenengan nggawé aku nanggung beban sing abot.* 12  Njenengan meneng waé wektu aku* diidak-idak. Aku ngalami kesusahan, kaya ngliwati geni lan banyu. Terus, Njenengan nggawa aku ing panggonan sing aman. 13  Aku bakal mènèhké persembahan bakaran ing omah-Mu.+ Aku bakal nepati janjiku marang Njenengan,+ 14  Janji-janji sing tak ucapké*+Lan sing tak omongké* wektu aku susah. 15  Aku bakal mènèhké kéwan sing lemu dadi persembahan bakaran. Aku bakal ngorbanké domba lanang marang Njenengan. Aku bakal mènèhké sapi lan kambing lanang dadi persembahan. (Sela) 16  Kabèh wong sing wedi marang* Gusti Allah, ayo mréné lan rungokna,Aku bakal nyritakké apa sing wis ditindakké Gusti Allah kanggo aku.+ 17  Aku njaluk tulung marang Dhèwèké,Lan aku mulyakké Dhèwèké. 18  Nèk aku terus mikirké apa waé sing jahat,Mesthi Yéhuwah ora bakal ngrungokké aku.+ 19  Ning, Gusti Allah ngrungokké aku.+ Dhèwèké nggatèkké dongaku.+ 20  Pujinen Gusti Allah, sing ora tau nolak dongakuLan sing terus nresnani* aku.

Katrangan Tambahan

Utawa ”main musik”.
Lit.: ”nanggung beban ing pinggangku”.
Lit.: ”sirahku”.
Lit.: ”sing diucapké lambéku”.
Lit.: ”sing diomongké cangkemku”.
Utawa ”nduduhké katresnan sing langgeng marang”. Deloken Daftar Istilah.