Mazmur 71:1-24

  • Rasa percayané wong sing wis tuwa

    • Percaya marang Gusti Allah kèt isih enom (5)

    • ”Pas aku ora nduwé kekuwatan manèh” (9)

    • ’Gusti Allah mulang aku kèt aku isih enom’ (17)

71  Oh Yéhuwah, aku berlindung marang Njenengan. Aja nganti aku digawé isin.+   Slametna lan bébasna aku merga Njenengan kuwi bener. Rungokna* aku lan slametna aku.+   Dadia kaya bèntèng sing ana ing gunung watuSing isa tak parani kapan waé. Tulung Njenengan ngongkon wong bèn nylametké aku,Merga Njenengan tebing watu lan bèntèngku.+   Oh Gusti Allahku, tulung slametna aku saka wong sing jahat,+Saka wong sing ora adil lan seneng nindhes.   Oh Yéhuwah, Gusti sing Mahakuwasa, aku mung berharap marang Njenengan. Aku percaya marang Njenengan kèt aku isih enom.+   Aku ngendelké Njenengan kèt aku lair. Njenengan sing ngetokké aku saka wetengé ibuku.+ Aku terus muji Njenengan.   Akèh wong nggumun wektu ndelok apa sing tak alami. Ning Njenengan sing dadi perlindunganku.   Aku bakal terus muji Njenengan.+ Saben dina aku bakal nyritakké tumindak-Mu sing luar biasa.   Aja ninggalké aku nèk aku wis tuwa.+ Aja ninggalké aku pas aku ora nduwé kekuwatan manèh.+ 10  Mungsuh-mungsuhku ngèlèk-èlèk akuLan bareng-bareng nggawé rencana matèni aku.+ 11  Wong-wong kuwi kandha, ”Gusti Allah wis ninggalké dhèwèké. Oyaken* lan cekelen dhèwèké. Ora ana sing isa nylametké dhèwèké.”+ 12  Oh Gusti Allah, aja adoh-adoh saka aku. Oh Gusti Allahku, cepet tulungi aku.+ 13  Muga-muga wong sing nglawan akuDigawé isin lan mati.+ Muga-muga wong sing péngin nyilakani akuDigawé isin lan dirèmèhké.+ 14  Tapi aku, aku bakal sabar ngentèni Njenengan. Aku bakal saya luwih muji Njenengan. 15  Saben dina aku bakal terus-terusan crita soal tumindak-Mu sing bener+Lan nyritakké wektu Njenengan nylametké aku. Kuwi ana akèh banget nganti ora isa tak étung.+ 16  Oh Yéhuwah, Gusti sing Mahakuwasa,Aku bakal nyritakké tumindak-Mu sing luar biasa. Aku bakal nyebutké soal tumindak-Mu sing adil, mung soal tumindak-Mu sing adil. 17  Oh Gusti Allah, Njenengan mulang aku kèt aku isih enom,+Lan nganti saiki aku terus nyritakké tumindak-Mu sing luar biasa.+ 18  Oh Gusti Allah, aja ninggalké aku senajan aku wis tuwa lan uwanen.+ Muga-muga aku isa nyritakké kuwasa-Mu* marang keturunan* sakwisé akuLan nyritakké kekuwatan-Mu marang wong-wong sing bakal lair sukmbèn.+ 19  Oh Gusti Allah, tumindak-Mu sing bener kuwi hébat banget.+ Njenengan wis nindakké kegiatan sing luar biasa. Oh Gusti Allah, sapa sing isa nandhingi Njenengan?+ 20  Senajan Njenengan wis nggawé aku susah lan sengsara,+Tulung wènèhi aku kekuwatan manèh. Gawanen aku metu saka panggonan* sing jero ing bumi.+ 21  Muga-muga Njenengan nggawé aku luwih diajèni. Tulung lindhungi lan hibur aku. 22  Aku bakal muji Njenengan nganggo alat musik bersenarMerga Njenengan kuwi setya, oh Gusti Allahku.+ Oh Gusti Allahé Israèl sing Mahasuci,Aku bakal nyanyi lagu pujian* nganggo harpa. 23  Aku bakal nyanyi lagu pujian kanggo Njenengan lan sorak-sorak+Merga Njenengan wis nylametké aku.+ 24  Saben dina aku bakal nyritakké* soal tumindak-Mu sing bener+Merga wong sing péngin matèni aku bakal digawé isin lan dirèmèhké.+

Katrangan Tambahan

Utawa ”Mbungkuk lan rungokna”.
Utawa ”Uberen”.
Lit.: ”lengen-Mu”.
Lit.: ”generasi”.
Utawa ”banyu”.
Utawa ”main musik”.
Utawa ”mikirké tenanan”.