Mazmur 97:1-12

  • Yéhuwah diluhurké ngluwihi allah-allah liya

    • ”Yéhuwah wis dadi raja” (1)

    • Nresnani Yéhuwah, sengit karo apa sing jahat (10)

    • Cahaya nyinari wong sing bener (11)

97  Yéhuwah wis dadi Raja.+ Muga-muga wong-wong ing bumi ngrasa seneng.+ Muga-muga wong-wong ing pulau-pulau ngrasa seneng.+   Ing sekitaré Dhèwèké ana peteng lan mendhung.+ Dhèwèké mesthi adil wektu mréntah lan mesthi nindakké sing bener.*+   Ana geni ing ngarepé+Sing ngobong mungsuh-mungsuhé ing sekitaré nganti entèk.+   Kilaté nggawé bumi dadi padhang. Bumi goncang wektu ndelok kuwi.+   Ing ngarepé Yéhuwah sing nguwasani bumi,Gunung-gunung melèlèh kaya lilin.+   Langit nyritakké keadilané,Lan kabèh bangsa ndelok kemuliaané.+   Kabèh sing nyembah patung bakal digawé isin,+Yaiku wong-wong sing nyombongké allah-allahé sing ora ana gunané.+ Hé kabèh allah, kowé kudu sujud marang* Dhèwèké.+   Zion krungu lan ngrasa seneng.+ Oh Yéhuwah, kutha-kutha ing* Yéhuda ngrasa senengMerga Njenengan wis nindakké sing adil.+   Oh Yéhuwah, Njenengan kuwi Sing Mahaluhur ing bumi. Njenengan kuwi luwih unggul timbang kabèh allah liyané.+ 10  Hé kowé wong sing nresnani Yéhuwah, kowé kudu sengit karo apa sing jahat.+ Dhèwèké nglindhungi abdiné sing setya.+ Dhèwèké nylametké wong kuwi saka wong sing jahat.+ 11  Cahaya nyinari wong sing bener,+Lan wong sing tumindaké bener ngrasa seneng. 12  Hé kowé wong sing bener, kowé kudu seneng merga Yéhuwah. Kowé kudu ngucap syukur kanggo jenengé sing suci.

Katrangan Tambahan

Lit.: ”Sing bener lan sing adil dadi dhasar takhtané”.
Utawa ”nyembah”.
Lit.: ”anak-anaké wédok”.