Mazmur 57:1-11

  • Donga njaluk dimesakké

    • Berlindung ing ngisor sayapé Gusti Allah (1)

    • Mungsuh-mungsuh tiba ing jebakané wong-wong kuwi dhéwé (6)

Kanggo pemimpin musik: Nurut lagu ”Aja Nyingkirké”. Miktam.* Lagu sing digawé Daud wektu ndhelik ing guwa+ merga dioyak* Saul. 57  Oh Gusti Allah, tulung mesakké aku, tulung mesakké aku,Merga aku berlindung marang Njenengan.+ Aku bakal berlindung ing ngisor sayap-Mu nganti kesusahanku ora ana manèh.+   Aku njaluk tulung marang Gusti Allah sing Mahaluhur,Marang Gusti Allah sing bener, sing mbébaské aku saka kesusahanku.   Dhèwèké bakal nulungi aku saka swarga lan nylametké aku.+ Dhèwèké bakal nggagalké rencanané wong sing nyerang aku. (Sela) Gusti Allah bakal nresnani* lan setya karo aku.+   Aku dikepung mungsuh-mungsuhku kaya dikepung singa.+ Malah pas aku turu, ing cedhakku ana wong-wong sing kaya binatang buas sing mangan manungsa,Sing untuné kaya tombak lan panah,Lan ilaté kaya pedhang sing landhep.+   Oh Gusti Allah, muga-muga Njenengan diluhurké tekan ndhuwur langit. Duduhna kemuliaan-Mu marang kabèh wong ing bumi.+   Mungsuh-mungsuhku wis nyiapké jaring kanggo njebak aku.+ Aku susah banget.+ Wong-wong kuwi wis nggali lubang kanggo njebak aku,Ning wong-wong kuwi dhéwé sing tiba ing lubang kuwi.+ (Sela)   Atiku percaya marang Njenengan,+ oh Gusti Allah,Atiku percaya marang Njenengan. Aku bakal nyanyi lan main musik kanggo muji Njenengan.   Aku arep tangi.* Aku bakal tangi sakdurungé matahari terbit.+ Aku péngin main harpa lan alat musik bersenar liyané.   Oh Yéhuwah, aku bakal muji Njenengan ing antarané wong akèh.+ Aku bakal nyanyi lagu pujian* kanggo Njenengan ing antarané bangsa-bangsa,+ 10  Merga katresnan-Mu* sing luar biasa kuwi tekan langit,+Lan kesetiaan-Mu tekan méga-méga. 11  Oh Gusti Allah, muga-muga Njenengan diluhurké tekan ndhuwur langit. Duduhna kemuliaan-Mu marang kabèh wong ing bumi.+

Katrangan Tambahan

Utawa ”diuber”.
Utawa ”nduduhké katresnan sing langgeng”. Deloken Daftar Istilah.
Utawa ”Kemuliaanku, ayo tangi”.
Utawa ”main musik”.
Utawa ”katresnan-Mu sing langgeng”. Deloken Daftar Istilah.