Mazmur 62:1-12
Kanggo pemimpin musik: Nurut Yédutun.* Lagu sing digawé Daud.
62 Aku sabar ngentèni Gusti Allah.
Dhèwèké sing nylametké aku.+
2 Dhèwèké gunung watuku, sing nylametké aku, lan panggonan berlindung* sing aman.+
Aku bakal terus ngrasa aman.+
3 Nganti kapan kowé terus nyerang kanggo matèni wong?+
Kowé kabèh kuwi bahaya kaya témbok sing miring lan arep ambruk.*
4 Wong-wong kuwi nggawé rencana bèn wong mau kélangan kedudukané sing dhuwur.
Wong-wong kuwi seneng ngapusi.
Wong-wong kuwi ngucapké berkah, ning sakjané wong-wong kuwi nyumpahi ing njero atiné.+ (Sela)
5 Aku sabar ngentèni Gusti Allah+Merga Dhèwèké kuwi harapanku.+
6 Dhèwèké gunung watuku, sing nylametké aku, lan panggonan berlindung sing aman.
Aku bakal terus ngrasa aman.+
7 Gusti Allah nylametké aku lan nggawé aku diajèni.
Gusti Allah kuwi gunung watuku sing kuwat lan perlindunganku.+
8 Hé kowé kabèh, kowé kudu terus percaya marang Dhèwèké.
Critakna kabèh perasaanmu marang Dhèwèké.+
Gusti Allah kuwi perlindungané awaké dhéwé.+ (Sela)
9 Manungsa kuwi mung kaya napas.
Perlindungan saka manungsa kuwi ora isa diendelké.+
Wektu ditimbang, manungsa luwih ènthèng timbang napas.+
10 Aja mikir kowé isa dadi sugih merga ngapusi wong liya,Lan aja mikir kowé isa éntuk untung merga ngrampok wong liya.
Nèk hartamu saya akèh, aja ngendelké hartamu kuwi.+
11 Aku krungu ping loro Gusti Allah ngomong nèkKekuwatan kuwi asalé saka Gusti Allah.+
12 Oh Yéhuwah, katresnan* kuwi asalé saka Njenengan,+Lan Njenengan mbales saben wong sesuai karo tumindaké.+
Katrangan Tambahan
^ Deloken Daftar Istilah.
^ Utawa ”panggonan dhuwur”.
^ Utawa mungkin ”Hé kowé kabèh, dhèwèké kaya témbok sing miring, kaya témbok watu sing arep ambruk”.
^ Utawa ”katresnan sing langgeng”. Deloken Daftar Istilah.
